तब्बल २३ ग्रँडस्लॅम विजेतेपद मिळवणाऱ्या सेरेनाचा तिसऱ्या फेरीत कियांगने ६-४, ७-६(२-७), ७-५ असा पराभव केला. जागतिक क्रमवारीत २९व्या स्थानावर असलेल्या कियांगने २ तास ४० मिनिटात हा सामना जिंकला आणि पुढील फेरीत स्थान मिळवले.
वाचा-
ऑस्ट्रेलियन ओपनच्या अधिकृत ट्विटरवर कियांगच्या या विजयाचे व्हिडिओ शेअर केला आहे. सेरेनाविरुद्धच्या सामन्यात कियांगने पहिल्या सेटमध्ये विजय मिळवला. पण दुसऱ्या सेटमध्ये सेरेनाने कडवी लढत दिली आणि सेट टायब्रेकरमध्ये जिंकला. तिसऱ्या आणि निर्णायक सेटमध्ये कियांगने शानदार खेळ केला आणि ७-५ ने विजय मिळवला.
यंदाच्या ऑस्ट्रेलियन ओपनमध्ये सेरेना मार्गरेट कोर्टच्या २४ ग्रँडस्लॅम विजेतेपदाच्या विक्रमाशी बरोबरी करण्याच्या उद्देशाने कोर्टवर उतरली होती. पण आता सेरेनाला त्यासाठी पुढील ग्रँडस्लॅम स्पर्धेपर्यंत वाट पाहावी लागेल.
वाचा-
सेरेनाने २०१७मध्ये मेलबर्नमध्ये अखेरचे ग्रँडस्लॅम विजेतेपद मिळवले होते. मुलीला जन्म दिल्यानंतर सेरेना मोठ्या कालावधीसाठी टेनिसपासून दूर राहिली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
