बास्केटबॉलपटूमधील पाच महान खेळाडूंची नाव घ्यायची झाल्यास त्यात कोबी ब्रायंटचे नाव आघाडीवर घेतले जाते. कोबीच्या निधनाचे वृत्त कळताच सोशल मीडियावर १० पैकी सर्व ट्रेंड संदर्भातील होतो. यावरून कोबीची लोकप्रियतेचा अंदाज येऊ शकतो. फक्त अमेरिका किंवा बॉस्केटबॉल लोकप्रिय असणाऱ्या देशांतील नव्हे तर भारतातील अनेक क्रीडा आणि सिने क्षेत्रातील व्यक्तींनी श्रद्धांजली वाहिली आहे. यात प्रिती झिंटा, करन जोहर, माजी क्रिकेटपटू विरेंद्र सेहवाग आदींचा समावेश आहे. भारतीय क्रिकेट नियामक मंडळाने देखील कोबी ब्रायंटला ट्विटववरून श्रद्धांजली वाहिली आहे.
वाचा-
कोबी बास्केटबॉल कोर्टमधील एक महान व्यक्ती होता. आयुष्यातील दुसऱ्या एका डावाला सुरूवात करणार होते. गियेनाच्या निधनामुळे एक पालक म्हणून अधिक दुखदायक आहे. मी आणि मिशेल ब्रायंट परिवारासोबत आहोत, असे अमेरिकेचे माजी अध्यक्ष बराक ओबामा यांनी म्हटले.
म्हणून बास्केटबॉलचा जादूगार ही उपाधी मिळाली
कोबी ब्रायंट याने पाच वेळा नॅशनल बास्केटबॉल असोसिएशन अर्थात एनबीएचे चॅम्पियनशिप जिंकले होते. बास्केटबॉलच्या इतिहासातील तो सर्वात महान खेळाडू होता. कोबीच्या मृत्यूनंतर एनबीएने शोक संदेशात म्हटले आहे की, कोबी आणि त्याच्या १३ वर्षीय मुलीच्या निधनामुळे आम्हाला धक्का बसला आहे. २० वर्ष कोबीने सर्वोत्तम खेळ केल्यास अशक्य गोष्ट देखील होऊ शकते, हे दाखवून दिले.
आपल्या २० वर्षाच्या करिअरमध्ये कोबीने लॉस एजल्सकडून खेळला. २०१६च्या एप्रिलमध्ये निवृत्त झालेल्या कोबीने २००८ मध्ये एनबीएचा सर्वात महान खेळाडूचा किताब मिळवला होता. त्याने एनबीए फायनल्समध्ये एमव्हीपी किताब दोन वेळा मिळवला होता. कोबीने दोन वेळा ऑलिम्पिक पदक देखील जिंकले आहे. २००६ मध्ये टोरांटो रॅपटर्सविरुद्धच्या सामन्यात कोबीने एका सामन्यात ८१ गुण मिळवले होते. त्याच्या करिअरमधील ही सर्वोत्तम खेळी होती
ऑस्कर विजेता कोबी
बास्केटबॉलमधील अनेक पुरस्कार आणि सन्मान मिळवणाऱ्या कोबीने ऑस्कर पुरस्कार देखील मिळाला आहे. कोबीने २०१५मध्ये बास्केटबॉलला एक प्रेम पत्र लिहले होते. या प्रेम पत्रावरून एक शॉर्ट अॅनिमेटेड चित्रपट तयार करण्यात आला. या चित्रपटाला ऑस्कर पुरस्कार मिळाला होता. डिअर बास्केट बॉल असे त्या चित्रपटाचे नाव होते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
