हॅमिल्टन : हिटमॅन रोहित शर्माने ठोकलेल्या षटकाराने भारताच्या मालिका विजयावर शिक्कामोर्तब केलं. सुपरओव्हरच्या थरारात रोहित शर्माने सलग दोन षटकार ठोकून विजय खेचून तर आणलाच, शिवाय याच सामन्यात अनेक विक्रमही त्याने आपल्या नावावर केले. सुपरओव्हरमध्ये न्यूझीलंडने भारताला १८ धावांचं आव्हान दिलं होतं. न्यूझीलंडच्या भूमीत भारताने पहिल्यांदाच टी-२० मालिका जिंकली आहे. त्यामुळे भारताचा हा ऐतिहासिक विजय ठरला.
- रोहित शर्माचा विक्रमन्यूझीलंडविरुद्धच्या तिसऱ्या टी-२० सामन्यात रोहित शर्माने एक खास विक्रम स्वत:च्या नावावर केला. सेडन पार्कवर झालेल्या सामन्यात त्याने २३ चेंडूत ५० धावांची धमाकेदार खेळी केली. पहिल्या टी-२० सामन्यात रोहितने ७ तर दुसऱ्या सामन्यात त्याने ८ धावा केल्या होत्या. दोन्ही सामन्यात मोठी धावसंख्या करण्यास अपयशी ठरलेल्या रोहितने तिसऱ्या सामन्यात २३ चेंडूत ३ षटकार आणि ५ चौकारांसह अर्धशतक केले. यासह आंतरराष्ट्रीय क्रिकेटमध्ये सलामीवीर म्हणून त्याच्या १० हजार धावा पूर्ण झाल्या. रोहितच्या आधी आंतरराष्ट्रीय क्रिकेटमध्ये अशी कामगिरी आतापर्यंत फक्त तीन भारतीय क्रिकेटपटूंनी केली होती.
- ओपनर म्हणून १० हजार आंतरराष्ट्रीय धावाभारताकडून मास्टर ब्लास्टर सचिन तेंडुलकर, सुनील गावसकर आणि विरेंद्र सेहवाग यांनी आंतरराष्ट्रीय क्रिकेटमध्ये ओपनर म्हणून १० हजार धावा केल्या आहेत. गावस्कर यांनी ओपनर म्हणून १२ हजार २५८, विरेंद्र सेहवागने १६ हजार ११९ तर सचिन तेंडुलकरने १५ हजार ३१० धावा केल्या आहेत.
- रोहितची आंतरराष्ट्रीय कारकीर्दरोहितने आतापर्यंत ३६१ आंतरराष्ट्रीय सामन्यात १३ हजार ८९६ धावा केल्या आहेत. त्यात ३९ शतके आणि ७२ अर्धशतकांचा समावेश आहे. रोहितने २१९ सामन्यात ओपनर म्हणून ९ हजार ९४४ धावा केल्या आहेत. टी-२०चा विचार केल्यास १०५ टी-२० सामन्यात त्याने ४ शतक आणि १९ अर्धशतकांसह २ हजार ६४० धावा केल्या आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
