नवी दिल्ली: यंदा आयपीएल सामन्यांचा बार उडण्यापूर्वीच दिग्गज खेळाडूंना एकत्रित आणून एक चॅरिटी मॅच खेळवण्याचा मेगाप्लान बीसीसीआयने तयार केला आहे. या प्लाननुसार टीम इंडियाचा कर्णधार , उपकर्णधार रोहित शर्मा आणि धडाकेबाज फलंदाज यांना चॅरिटी मॅचच्या एकाच संघात खेळवण्यात येणार आहे. आयपीएलच्या तीन दिवसआधीच हा सामना होण्याची शक्यता असून त्यासाठी बीसीसीआयने कंबर कसली आहे. आयपीएल टी-२०चा पहिला सामना २९ मार्च रोजी होणार आहे. त्याआधीच हा सामना होणार आहे. बीसीसीआयचे अध्यक्ष सौरव गांगुली यांनी हा मेगाप्लान तयार केला आहे.

इंडियन प्रिमीयर लीग (आयपीएल)च्या गव्हर्निंग कौन्सिलची सोमवारी दिल्लीत बैठक पार पडली. त्यात या शक्यतेचाही विचार करण्यात आला. आयपीएलमधील ८ टीमच्या खेळाडूंना घेऊन एक सामना खेळण्यात येईल. हा चॅरिटी सामना असेल. आयपीएलच्या इतिहासात पहिल्यांदाच टुर्नामेंटच्या आधी चॅरिटी सामना होऊ शकतो. आयपीएल चॅरिटी मॅच आयपीएलच्या उद्घाटनापूर्वी म्हणजे २६ मार्च रोजी होऊ शकतो. त्यात क्रिकेट जगतातील दिग्गज एकत्र पाह्यला मिळतील, असं सूत्रांनी सांगितलं.

या चॅरिटी सामन्यासाठी दोन संघ तयार करण्यात येणार आहे. त्यात एक टीम नॉर्थ आणि टीम ईस्ट भारतातील असेल. तर दुसरा संघ साऊथ आणि वेस्ट भारतातील असेल. एका टीममध्ये दिल्ली कॅपिटल्स, किंग्स इलेव्हन पंजाब, राजस्थान रॉयल्स आणि कोलकाता नाइट रायडर्स संघातील खेळाडू असतील तर दुसऱ्या संघात चेन्नई सुपर किंग्स, मुंबई इंडियन्स, रॉयल चॅलेंजर्स बंगळूरू आणइ सनराईजर्स हैदराबाद आदी संघातील खेळाडू असतील.

बीसीसीआयचे अध्यक्ष सौरव गांगुली यांनी हा मेगाप्लान तयार केला आहे. या बैठकीला गांगुलीसह आयपीएल गव्हर्निंग कौन्सिलचे चेअरमन बृजेश पटेल उपस्थित होते. बीसीसीआयचा हा प्लान वास्तवात आला तर क्रिकेटच्या मैदानात आगळावेगळा सामना पाह्यला मिळेल.

साऊथ आणि वेस्ट झोनच्या संघात विराट कोहली, एमएस धोनी, रोहित शर्मा, एबी डिव्हिलियर्स, जसप्रीत बुमराह, शेन वॉटसन, हरभजन सिंह आणि लसिथ मलिंगा सारखे मातब्बर खेळाडू आहेत. तर नॉर्थ आणि ईस्ट संघाकडे लक्ष पाहता या संघात आंद्रे रसेल, रिषभ पंत, बेन स्टोक्स, श्रेयस अय्यर, दिनेश कार्तिक, पॅट कमिन्स, ईयोन मोर्गन आणि जोफ्रा आर्चर आदी खेळाडू आहेत.