गेल्या २४ तासापासून ट्विटवर एका पत्रकाराची पोस्ट प्रचंड व्हायरल होत आहे. ही पोस्ट आहे बोल्टला मागे टाकणाऱ्या भारतीय धावपटूची. कर्नाटकमधील श्रीनिवास गौडा याने रेड्यांना घेऊन पाण्यातून धावणाऱ्या स्पर्धेत १४२.५ मीटर अंतर केवळ १३.६२ सेकंदात पार केले. याचा अर्थ गौडाने १०० मीटर अंतर फक्त ९.५५ सेकंदात पार केले, असा दावा या पोस्ट मध्ये करण्यात आला आहे. जगातील सर्वात असलेल्या बोल्टने १०० मीटर अंतर ९.५८ सेकंदात पार केले होते.
कर्नाटकात होणाऱ्या या म्हशींच्या शर्यतींना कंबाला असे म्हणतात. राज्यातील दक्षिण कन्नडा आणि उडपी जिल्ह्यात शेतकरी या शर्यती प्रत्येक वर्षी आयोजित करतात.
श्रीनिवास गौडा खरच १०० मीटर अंतर ९.५५ सेकंदात पार करता का हे महाराष्ट्र टाइम्सने तपासून पाहिले नाही. पण संबंधित पोस्ट टाकणाऱ्या पत्रकाराने असा दावा केला आहे.
श्रीनिवास दोन म्हशींसोबत चिखल असलेल्या पाण्यातून धावातो. म्हशी आणि पाणी यामुळे श्रीनिवासचा वेग कमी होत असावा.
उसेन बोल्टने ऑलिम्पिक स्पर्धेत ८ सुवर्णपदकं मिळवली आहेत. १०० मीटर आणि २०० मीटर अंतर सर्वात वेगाने धावण्याचा वर्ल्ड रेकॉर्ड त्याच्या नावावर आहे. बोल्टने १०० मीटर अंतर ९.५८ सेकंदात तर २०० मीटर अंतर १९.१९ सेकंदात पार केले होते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
