कोण म्हणतय बुमराह फॉर्ममध्ये नाही? पाहा व्हायरल व्हिडिओ

हॅमिल्टन: भारत आणि न्यूझीलंड यांच्यात येत्या २१ फेब्रुवारीपासून पहिला कसोटी सामना सुरू होत आहे. या सामन्याआधी भारतीय संघाने न्यूजीलंड अ संघाविरुद्ध सराव सामना खेळला. वनडे मालिकेत भारताचा मुख्य वेगवान गोलंदाज जसप्रीत बुमराहला एकही विकेट घेता आली नव्हती. कसोटी मालिकेपूर्वी बुमराहच्या या खराब कामगिरीवर काळजी व्यक्त केली जात होती. पण सराव सामन्यात त्याने धमाकेदार गोलंदाजी केली.

वाचा-
सराव सामन्यात मोहम्मद शमीने तीन तर बुमराह, उमेश यादव, नवदीप सैनी यांनी प्रत्येकी दोन विकेट घेतल्या. आर अश्विनने एक गडी बाद केला. सोशल मीडियावर बुमराहने घेतलेल्या एका विकेटचा व्हिडिओ सध्या व्हायरल होत आहे.

वाचा-
यॉर्कर किंग अशी बुमराहची ओळख आहे. पण या व्हिडिओत त्याने चेंडू बाहेरच्या दिशेने आत वळवला आणि बोल्ड घेतली. बुमराहचा चेंडू कधी आला आणि बोल्ड झाली हे फलंदाजाला कळाले देखील नाही. फलंदाज फिन अ‍ॅलन हा चेंडू पाहून हैराण झाला. बाहेर जाणारा चेंडू अचानक आत कसा आला, हे अ‍ॅलनला कळाले देखील नाही. बुमराहचा चेंडू स्विग होईल याचा त्याने विचारच केला नाही.

वाचा-
या सामन्यात भारताने प्रथम फलंदाजी करत सर्व बाद २६३ धावा केल्या. भारताकडून हनुमा विराहीने १०१ तर पुजाराने ९३ धावा केल्या. न्यूझीलंड अ संघाला पहिल्या डावात २३५ धावाच करता आल्या. तर दुसऱ्या डावात भारताने ४ बाद २५२ धावांपर्यंत मजल मारली. हा सराव सामना ड्रॉ झाला असला तरी भारतीय संघाने फलंदाजी आणि गोलंदाजी पातळीवर शानदार कामगिरी केली.

वाचा-