श्रीनिवास गौडाने १०० मीटर अंतर फक्त ९.५५ सेकंदात पार केले, असा दावा करण्यात आला होता. जगातील सर्वात वेगवान धावपटू असलेल्या बोल्टने १०० मीटर अंतर ९.५८ सेकंदात पार केले होते. त्यामुळे श्रीनिवास बोल्टपेक्षा वेगाने धावतो, असे म्हटले गेले होते.
वाचा-
आता वेनुर येथील निशांत शेट्टीने १०० मीटर अंतर केवळ ९.५२ सेकंदात पार केले. शेट्टीने श्रीनिवासचा विक्रम ३ सेकंदाने मागे टाकला.
बोल्टपेक्षा वेगाने धावणारा अशी चर्चा श्रीनिवासची झाली होती. तो एकारात्रीत लोकप्रिय देखील झाला होता. त्यानंतर क्रीडा मंत्री किरण रिजिजू यांनी त्याला साई सेंटरमध्ये ट्रायल देण्यास सांगितले होते. पण श्रीनिवासने त्यास नकार दिला होता.
वाचा-
निशांतने म्हशींच्या कंबाला शर्यतीत १४३ मीटर अंतर १३.६१ सेकंदात पार केले. त्यातील सुरूवातीचे १०० मीटर ९.५२ सेकंदात पार केल्याची माहिती आयोजकांनी दिली. या स्पर्धेत अन्य दोन स्पर्धक अक्केरी सुरेश शेट्टी आणि इरवाथुरु आनंद यांनी १०० मीटर अंतर ९.५७ सेकंदात पार केले.
श्रीनिवास गौडाने १४२.५० मीटर अंतर १३.६२ सेकंदात पार केले होते. त्यानंतर असा दावा करण्यात आला होता की श्रीनिवासने ९.५५ सेकंदात १०० मीटर अंतर पार केले.
वाचा-
सर्व माध्यमांमध्ये ही बातमी आल्यानंतर कर्नाटकचे मुख्यमंत्री बीएस येडियुरप्पा यांनी श्रीनिवासची भेट घेत त्याला ३ लाख रुपयांचा धनादेश दिला होता.
जगातील सर्वात वेगवान धावपटू उसेन बोल्टने ऑलिम्पिक स्पर्धेत ८ सुवर्णपदकं मिळवली आहेत. १०० मीटर आणि २०० मीटर अंतर सर्वात वेगाने धावण्याचा वर्ल्ड रेकॉर्ड त्याच्या नावावर आहे. बोल्टने १०० मीटर अंतर ९.५८ सेकंदात तर २०० मीटर अंतर १९.१९ सेकंदात पार केले होते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
