जागतिक क्रिकेटमधील अनोखी कामगिरी करणाऱ्या टेलरला क्रिकेट बोर्डाकडून १०० वाइनच्या बॉटल भेट देण्यात आली आहे. एका वाहिनीला दिलेल्या मुलाखतीत टेलरने या खास भेटीसंदर्भात सांगितले. वाइनच्या या १०० बाटल्यांचे वैशिष्ट असे की या प्रत्येक बाटलीतील वाइनची चव वेगळी आहे.
वाचा-
या १०० बाटल्यांचे काय करणार या प्रश्नावर टेलर म्हणाला, निश्चितपणे इतकी वाइन पिण्यासाठी मला कोणाची तरी सोबत लागले. १००वी कसोटी हा एक खास क्षण आहे. सामन्याच्या पूर्वसंध्येला माझ्यासाठी क्रिकेट बोर्डाने एक खास कार्यक्रम आयोजित केला होता आणि मला भेट दिल्याचे त्याने सांगितले.
वाचा-
ही एक परंपरा आहे जेव्हा एखादा खेळाडू १००वी कसोटी खेळतो तेव्हा त्याला १०० वाइन गिफ्ट दिली जाते. ही परंपरा माजी कर्णधार स्टीफन फ्लेमिंगच्या छंदामुळे सुरू झाली. न्यूझीलंडकडून १०० कसोटी खेळणारा फ्लेमिंग हा पहिला खेळाडू होता. त्याला वाइन खुप आवडते. त्यामुळेच तेव्हा १०० वाइनच्या बाटल्या भेट दिल्या होत्या.
वाचा-
नंतर डॉनियल व्हिटोरी, ब्रॅडन मॅकलम यांनी जेव्हा १०० कसोटी खेळल्या तेव्हा त्यांना अशी भेट देण्यात आली होती.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
