अहमदाबाद येथील मोटेरा स्टेडियमवर २४ फेब्रुवारी रोजी नमस्ते ट्रम्प या कार्यक्रमाचे आयोजन करण्यात येणार आहे. तर मैदानाचे उद्घाटन नंतर केले जाणार आहे. जगातील सर्वात मोठे क्रिकेटचे मैदान आहे. या मैदाावर १ लाख १० हजार प्रेक्षक एकाच वेळी सामना पाहू शकतील.
वाचा-
दोन आठवड्यांपूर्वी ट्रम्प यांच्या भारत दौऱ्यात या मैदानाचे उद्घाटन होईल असे सांगण्यात आले होते. नमस्ते ट्रम्प कार्यक्रमास एक लाखाहून अधिक लोक येतील आणि त्याच वेळी मैदानाचे उद्घाटन देखील होणार असल्याचे वृत्त होते. पण आता गुजरात क्रिकेट असोसिएशनचे उपाध्यक्ष धनराज नाथवानी यांनी या वृत्त चुकीचे असल्याचे सांगितले.
२४ तारखेला होणाऱ्या कार्यक्रमाचे नाव नमस्ते ट्रम्प असे आहे. अमेरिकेचे अध्यक्ष डोनाल्ड ट्रम्प यांच्या स्वागतासाठीचा हा कार्यक्रम आहे. या मैदानाचे उद्घाटन आम्ही नंतर करणार आहोत, असे नाथवानी यांनी स्पष्ट केले.
वाचा-
पंतप्रधान आणि ट्रम्प यांचा रोड शो झाल्यानंतर ते या मैदानावर लोकांशी बोलतील. गेल्या वर्षी अमेरिकेत हाऊडी मोदी या कार्यक्रमाच्या आधारावर नमस्ते ट्रम्पचे आयोजन करण्यात आले आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
