>> मोटेरा हे जगातील सर्वात मोठे क्रिकेटचे मैदान आहे. २०१५ मध्ये जुने स्टेडियम पाडण्यात आले आणि नव्या सुविधांसह बांधकाम सुरू करण्यात आले. जुन्या स्टेडियममध्ये प्रेक्षकांची संख्या ५३ हजार इतकी होती.
>> आता नव्याने बांधकाम झाल्यानंतर एकाच वेळी १ लाख १० हजार प्रेक्षक क्रिकेटचा सामना पाहू शकतील. हे मैदान ऑस्ट्रेलियातील मेलबर्न मैदानापेक्षा मोठे आहे. मेलबर्नवर ९० हजार प्रेक्षक बसू शकतात.
वाचा-
>> या स्टेडियमसोबत अन्य एक क्रिकेट मैदान तयार करण्यात आले आहे. ज्याचा पॅव्हेलियन एरिया छोटा आहे. यात फुटबॉल, हॉकी, बास्केटबॉल, कबड्डी, बॉक्सिंग, लॉग टेनिस आणि रनिंग ट्रॅक देखील आहे.
>> या मैदानाचे बांधकाम L& T कंपनीने केले आहे. मैदानात LED लाइट्स वापरल्यामुळे खेळाडूंची सावली देखील कमी पडेल, असा दावा कंपनीने केला आहे.
वाचा-
>> मोटेरा स्टेडियममध्ये ५५ खोल्या आहेत. यात इनडोअर गेम्स, हॉटेल, स्विमिंग पूल, जिम, पार्टी हॉल, थ्रीडी थिअटर/ टीव्ही रुमचा समावेश आहे. मैदानात ७५ एअर कंडिशन कॉर्पोरेट बॉक्स देखील आहेत.
>> मैदानाच्या परिसरात ३ हजार गाड्या, १० हजार दुचाक्या पार्किंग करण्याची सोय आहे.
>> नवे स्टेडियम जगातील सर्वात मोठे असले तरी जुन्या मैदानावर सुनील गावसकर यांनी कसोटीमध्ये १० हजार धावा पूर्ण केल्या होत्या. तर कपील देव यांनी रिचर्ड हेडलीचा सर्वाधिक विकेट घेण्याचा विक्रम याच मैदानावर मागे टाकला होता.
(सविस्तर वाचा- )
Sports News in Marathi: Latest Marathi News on Cricket, Football, Tennis, Hockey & more | Maharashtra Times
