भारताच्या वनडेमध्ये दिसतील 'हे' मोठे बदल

नवी दिल्ली : भारत आणि दक्षिण आफ्रिका यांच्यातील पहिला वनडे सामना आज पावसामुळे रद्द करावा लागला. पण आता यापुढे होणाऱ्या दोन्ही सामन्यांसाठी तुम्हाला हे मोठे दोन बदल पाहायला मिळणार आहेत.

धरमशाला येथील पहिला वनजे सामना आज एकही चेंडू न टाकता रद्द करावा लागला. दोन्ही संघांमध्ये प्रत्येकी २० षटकांचा सामना खेळवण्यात येईल, अशी आशा चाहत्यांना होती. पण पावसाने खोडा घातल्यामुळे हा सामना रद्द करावा लागला.

भारत आणि दक्षिण आफ्रिका यांच्यातील दुसरा वनडे सामना १५ मार्चला लखनौ येथे होणार आहे, त्यानंतर तिसरा आणि अखेरचा सामना कोलकाता येथील इडन गार्डन्स येथे १८ मार्चला खेळवण्यात येणार आहे.

‘करोना’ वायरसच्या भितीमुळे आज झालेल्या धरमशाला येथील पहिल्या वनडे सामन्याला प्रेक्षकांचा अल्प प्रतिसाद मिळाला होता. हिमाचल प्रदेशची राजधानीपासून २५० किलो मीटर अंतरावर असलेल्या धरमशाला येथील स्टेडियममध्ये २२ हजार प्रेक्षक सामना पाहू शकतात. पण भारत विरुद्ध दक्षिण आफ्रिका यांच्यातील पहिल्या सामन्यातील ४० टक्के तिकिटांची विक्री देखील झालेली नव्हती.

वाचा-
कोरोना वायरस आणि त्यामुळे प्रेक्षकांचा अल्प प्रतिसाद पाहता बीसीसीआयने दुसरा आणि तिसरा वनडे सामना रिकाम्या स्टेडियममध्ये खेळवण्याचा विचार करत आहे. बीसीसीआयच्या एका वरीष्ठ अधिकाऱ्यांनी टाइम्स ऑफ इंडियाला याबाबतची माहिती दिली आहे. त्यामुळे दुसऱ्या आणि तिसऱ्या वनडे सामन्यामध्ये तुम्हाला स्टेडियममध्ये जर प्रेक्षक दिसले नाहीत, तर नवल वाटायला नको.

करोना व्हायरसमुळे जगभरातील अनेक महत्त्वाच्या क्रीडा स्पर्धा रद्द अथवा पुढे ढकलल्या जात आहेत. चीनमधून सुरू झालेला करोना वायरस जगभर पसरला आहे. गेल्या काही दिवसात भारतात देखील याचे रुग्ण आढळले असून रुग्णांची संख्या ६० वर पोहोचली आहे. या पार्श्वभूमीवर २९ तारखेपासून सुरू होणाऱ्या आयपीएल स्पर्धा रद्द होण्याचा धोका निर्माण झाला आहे.

वाचा-
आजच केंद्र सरकारने परदेशी खेळाडूंना १५ एप्रिलपर्यंत व्हिसा न देण्याचा निर्णय घेतला आहे. करोना व्हायरसच्या धोक्यामुळे ही स्पर्धाच रद्द करण्यासाठी मद्रास उच्च न्यायालयात याचिका दाखल करण्यात आली आहे. असे असताना देखील बीसीसीआयने मात्र ही स्पर्धा नियोजित वेळेनुसार होणार असे म्हटले आहे.