'आयपीएल खेळण्याचा चेंडू खेळाडूंच्या कोर्टात'

करोना व्हायरसमुळे यंदाची आयपीएल स्पर्धा ही पुडे ढकलली गेली आहे. पण आता जर आयपीएल पुढच्या महिन्यात खेळवली गेली तर त्यामध्ये खेळायचे की नाही, याचा निर्णय आता खेळाडूंवर सोपवण्यात आला आहे.
आयपील स्पर्धा पुढे ढकलण्यात आली आहे. त्यामुळे आता आयपीएल संपायलाही जास्त कालावधी लागेल. त्यामुळे काही देशांच्या क्रिकेट मालिकांवर परीणाम होऊ शकतो. त्यामुळे आता आयपीएल खेळायचे की नाही, याचा निर्णय क्रिकेट संघटनांनी खेळाडूंवर सोपवल्याचे पाहायला मिळत आहे.

वाचा०

परदेशा खेळाडूंना काही कालावधीसाठी भारतात बंदी आहे. त्यामुळे त्यांना या महिन्यात तर भारतात येणार नाही. आयपीएल जर एप्रिलमध्ये खेळवण्यात आली, तर स्पर्धेसाठी खेळाडूंना सराव करावा लागणार आहे. जर खेळाडूंना पुरेसा वेळ मिळाला नाही आणि त्यांनी जर जास्त लोड घेऊन सराव केला तर त्यांना दुखापतही होऊ शकते. त्यामुळे आता खेळाडूंनीच आपण आयपीएल खेळायची की नाही, हे ठरवायचे आहे.
परदेशी खेळाडूंना पूर्ण आयपीएल खेळता येणार की नाही, याबाबत संभ्रम आहे. कारण आयपीएल जर उशिरा संपली तर त्यांच्या देशांच्या मालिकेत त्यांना खेळता येणार नाही. त्यामुळे कोणत्या गोष्टीला किती महत्व द्यायचे, हे खेळाडूंनी ठरवायचे आहे. आयपीएलचे नवीन वेळापत्रक अजून जाहीर करण्यात आलेले नाही. ते जाहीर केल्यावर खेळाडू आयपीएमध्ये खेळायचे की नाही, हा निर्णय घेऊ शकतात.

वाचा-

न्यूझीलंडच्या क्रिकेट मंडळाने तर आयपीएल खेळायची की नाही, हा निर्णय त्यांच्या खेळाडूंवर सोपवला आहे. त्यामुळे आयपीएल खेळण्याबाबतचा अंतिम निर्णय आता खेळाडूंनाच घ्यावा लागणार आहे.
करोना वायरसचा धक्का आता भारतीय क्रिकेटलाही बसला आहे. कारण त्यामुळेच भारत आणि दक्षिण आफ्रिका यांच्यातील उर्वरीत दोन सामने रद्द करण्याचा निर्णय घेण्यात आला आहे. त्यामुळे आता ही मालिका रद्द झालेली आहे. भारत आणि दक्षिण आफ्रिका यांच्यातील दुसरा आणि तिसरा सामना रिकाम्या मैदानात म्हणजेच प्रेक्षकांशिवाय खेळवला जाईल, असा निर्णय यापूर्वी बीसीसीआयने घेतला होता. दोन्ही संघादरम्यान १५ मार्च रोजी दुसरी वनडे लखनऊ येथे तर १८ मार्च रोजी कोलकाता येथे तिसरी वनडे खेळवण्यात येणार होती. पण आता पीटीआयने दिलेल्या वृत्तानुसार हे दोन्ही सामने रद्द करण्याचा निर्णय घेण्यात आला आहे.
करोना वायरसचा परीणाम आता आयपीएलवरही पाहायला मिळाला आहे. कारण आयपीएल आता पुढे ढकलण्यात आली आहे. यापूर्वी आयपीएल २९ मार्चपासून सुरु करण्यात येणार होती. पण करोना वायरसमुळे आता ही स्पर्धा एप्रिल महिन्यात सुरु होणार असल्याचे संकेत मिळत आहेत.