नवी दिल्ली: करोना व्हायरसमुळे देशातील सर्व क्रिकेट सामने स्थगित करण्यात आले आहेत. भारतीय संघातील क्रिकेटपटू घरात थांबले आहेत. भारताचा कर्णधार विराट कोहली, केएल राहुलसह सर्व जण आयसोलेशनमध्ये आहेत. आयपीएलमधील कोलकाता नाइट रायडर्सचा कर्णधार देखील घरीच थांबला आहे. केकेआरने त्यांच्या अधिकृत ट्विटवरून कार्तिकचा एक व्हिडिओ शेअर केला आहे. या व्हिडिओमध्ये त्याने रोखण्याचे तीन स्मार्ट उपाय सांगितले आहेत.
वाचा-
केकेआरने शेअर केलेल्या व्हिडिओत कार्तिकने करोना व्हायरसपासून बचाव करण्याचे उपाय सांगितले आहेत. यासाठी त्याने लोकांपासून दूर राहण्यास सांगितले आहे. त्याच बरोबर स्वत:चे हात स्वच्छ ठेवण्याचा सल्ला दिला आहे. यामुळे तुम्हाला स्वत:ला करोनाची लागण होणार नाही आणि इतर लोक देखील सुरक्षित राहतील.
वाचा-
वाचा-
व्हिडिओत कार्तिक घरीच बॅटिंगचा सराव करताना दिसत आहे. त्याच बरोबर तो ध्यान देखील करत आहे. बीसीसीआयने करोना व्हायरसमुळे स्पर्धा १५ एप्रिलपर्यंत स्थगित केली आहे. ज्या पद्धतीने भारतात करोनाचे रुग्ण वाढत आहेत. ते पाहता १५ तारखेनंतर देखील आयपीएल स्पर्धा होण्याची शक्यता कमीच दिसत आहे.
हे देखील वाचा-
Sports News in Marathi: Latest Marathi News on Cricket, Football, Tennis, Hockey & more | Maharashtra Times
