स्पेन: भारताचा स्टार बॅडमिंटनपटू किदांबी श्रीकांतने लक्ष्य सेन याचा १७-२१, २१-१४ आणि २१-१७ असा पराभव करून वर्ल्ड बॅडमिंटन चॅम्पियनशिपच्या फायनलमध्ये प्रवेश केला. रविवारी झालेल्या सेमीफायनल लढतीत श्रीकांतने भारताच्याच लक्ष्यवर विजय मिळवाल. या स्पर्धेच्या अंतिम फेरीत पोहोचणारा तो पहिला भारतीय खेळाडू ठरला आहे.

वाचा-

शनिवारी स्पेनमध्ये झालेल्या लढतीत श्रीकांतचा पहिल्या गेममध्ये पराभव झाला होता. त्यानंतरच्या दोन गेममध्ये शानदार खेळ करत त्याने अंतिम फेरीत स्थान मिळवले. पहिल्या गेममध्ये श्रीकांत १७-२१ असा पराभव झाला. पण ६९ मिनिटे चाललेल्या या लढतीत श्रीकांतने विजेतेपद मिळवले. दोन्ही खेळाडूंमध्ये अखेरचा गेम चुरशीचा झाला. पण सेनने मौक्याच्या क्षणी काही चुका केल्या ज्याचा फायदा श्रीकांतने घेतला. या पराभवामुळे लक्ष्य सेनला कांस्यपदकावर समाधान मानावे लागले. तो वर्ल्ड चॅम्पियनशिपमध्ये प्रथमच खेळत आहे.

वाचा-

२० वर्षीय लक्ष्य सेनने चांगली सुरूवात केली होती. पहिल्या गेमध्ये त्यानेन ११-८ अशी आघाडी देखील घेतली होती. मात्र श्रीकांतने जोरदार कमबॅक केले आणि स्कोअर १७-१७ असा झाला. अखेर लक्ष्यने २१-१७ अशी बाजी मारली. दुसऱ्या गेममध्ये देखील लक्ष्य ८-४ अशा आघाडीवर होती. पण त्यानंतर श्रीकांतने लय पकडली आणि ब्रेकपर्यंत ११-९ अशी आघाडी घेतली. दुसरा गेम श्रीकांतने २१-१४ असा जिंकला. तिसऱ्या आणि निर्णायक गेममध्ये ब्रेकपर्यंत लक्ष्य ११-८ने आघाडीवर होता. दोन्ही खेळाडूंमध्ये विजयासाठी जोरदार चुरस दिसत होती. अखेर श्रीकांतने दमदार खेळ केला आणि विजय मिळवला.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here