धोनीला इशारा? बीसीसीआयने पुन्हा वगळले!

मुंबई: भारतीय क्रिकेट संघाने काही दिवासांपूर्वी वार्षिक करारातून माजी कर्णधार महेंद्र सिंह धोनीला वगळले होते. तेव्हा धोनीला बीसीसीआयने इशारा दिल्याची चर्चा झाली होती. आता पुन्हा एकदा बीसीसीआयने धोनीला एक इशारा दिला अशी चर्चा सुरू झाली आहे.

वाचा-
गेल्या वर्षी इंग्लंडमध्ये झालेल्या वर्ल्ड कप सेमीफायनल नंतर धोनी भारताकडून खेळला नाही. याकाळात धोनीने त्याच्या भविष्यासंदर्भात काहीच सांगितले नाही. तेव्हा बीसीसीआयने वार्षिक करारातून त्याला वगळले होते. यामुळे धोनीला पुन्हा भारतीय संघात स्थान मिळणार नाही अशी चर्चा सुरू झाली. आता बीसीसीआयने ट्विटरवरील फॉलोअर्सची संख्या ११ मिलियन झाल्याबद्दल एक फोटो शेअर केला आहे. चाहत्यांचे आभार मानणाऱ्या या पोस्टरमध्ये काही क्रिकेटपटूंना स्थान देण्यात आले आहे. काही महिला क्रिकेपटूंना देखील यात स्थान दिले आहे. पण धोनीला मात्र वगळण्यात आले.

वाचा-
शुक्रवारी बीसीसीआयने या पोस्टरमध्ये कर्णधार विराट कोहलीसह पाच पुरुषांना आणि ३ महिलांना स्थान दिले आहे. याआधी बीसीसीआयने इस्टाग्रामवरील फॉलोअर्सची संख्या १ कोटी ३० लाख झाल्याबद्दल एक पोस्टर शेअर केले होते. तेव्हा देखील धोनीला स्थान देण्यात आले नव्हते. आता या पोस्टरवरून देखील धोनी गायब झाला आहे.

वाचा-
ट्विटवरील पोस्टरमध्ये विराट कोहली, रोहित शर्मा, श्रेयस अय्यर, केएल राहुल, जसप्रीत बुमराह या पुरुष खेळाडूंना तर महिला कर्णधार हरमनप्रीत कौर, स्मृती मानधना, पूनम यादव या यांना स्थान दिले आहे.

हे देखील वाचा- बदलले