कोल्हापूरला जेव्हा पूर आला होता तेव्हाही अजिंक्यही मदतीसाठी पुढे सरसावला होता. आता करोनाग्रस्तांच्या मदतीसाठी त्याने एक पाऊल पुढे टाकले आहे. अजिंक्यने महाराष्ट्राच्या मुख्यमंत्री सहाय्य निधीला १० लाखांची मदत केल्याचे जाहीर केले आहे.
काही दिवसांपासून भारतामध्ये करोनाग्रस्तांसाठी खेळाडू पुढे सरसावल्याचे पाहायला मिळत आहेत. भारताचा माजी महान क्रिकेटपटू सचिन तेंडुलकरनेही ५० लाखांची मदत जाहीर केली होती. या मदतीसाठी सर्वात पहिला उतरलेला क्रिकेटपटू म्हणजे भाजपाचा खासदार गौतम गंभीर. करोनाग्रस्तांसाठी गंभीरने पहिल्यांदा ५० लाख रुपयांची मदत केली होती. त्याचबरोबर भारताचा माजी कर्णधार महेंद्रसिंग धोनीनेही मदतीचा हात पुढे केला होता. भारताचा क्रिकेटपटू सुरेश रैनानेही ५२ लाखांची मदत जाहीर केली होती. भारताचे माजी कर्णधार आणि विद्यमान बीसीसीआयचे अध्यक्ष यांनी या संकटकाळात शाळा किंवा धर्मशाळेत अडकलेल्या लोकांसाठी ५० लाख रुपयांचे तांदूळ दान दिले होते.
पाकिस्तानमध्ये सध्याच्या घडीला एक हजार करोनाबाधित रुग्ण आहेत. करोना व्हायरसचा फटका पाकिस्तानलाही चांगलाच बसलेला आहे. करोना व्हायरसमुळे पाकिस्तान सुपर लीगही रद्द करावी लागली होती. पण तरीही पाकिस्तानच्या खेळाडूंनी आणि क्रिकेट मंडळाने देशहितासाठी एक पाऊल पुढे टाकले आहे.
करोनाग्रस्तांसाठी भारताचे खेळाडू कोणतीही आर्थिक मदत करताना दिसत नसले तरी बांगलादेशच्या क्रिकेटपटूंनी मात्र एक पाऊल पुढे टाकले आहे. करोनाग्रस्तांसाठी बांगलादेशच्या क्रिकेटपटूंनी आपला पगार सरकार देणार असल्याचे जाहीर केले आहे.
बांगलादेशच्या खेळाडूंनी एक पत्रक काढले आहे. त्यामध्ये त्यांनी लिहिले आहे की, ” सध्याच्या घडीला बांगालादेश क्रिकेट बोर्डाबरोबर १७ खेळाडूंचे करार झाले आहेत. त्याचबरोबर १० क्रिकेटपटू बांगलादेशकडून सध्या खेळले आहे. या आम्ही १७ खेळाडूंनी मिळून आपला महिन्याचा अर्धा पगार करोनाग्रस्तांसाठी देण्याचे ठरवले आहे. ही रक्कम फारशी जास्त नाही, हेदेखील आम्हाला माहिती आहे. पण आपण जर एकत्र आलो आणि करोनाचा सामना केला तर त्याला आपण पळवून लाऊ शकतो.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
