करोना व्हायरसमुळे संपूर्ण जगात चिंतेचे वातावरण आहे. बऱ्याच देशांमध्ये करोना व्हायरसमुळे लॉकडाऊनही करण्यात आले आहे. त्यामुळे समाजातील आर्थिक दुर्बल लोकांवर उपासमारीची वेळ येऊ शकते, हे पाहून आफ्रिदी त्यांच्यासाठी पुढे सरसावला आहे.
पाकिस्तानातील काही गरजू हिंदू लोकांना आफ्रिदी मदत करत आहेत. त्यांना लागणारे अन्न धान्य पुरवण्याचे काम आफ्रिदी करताना दिसत आहे. त्यामुळे सध्याच्या घडीला आफ्रिदीचे कौतुक भारतामध्येही होताना दिसत आहे. आपल्या या समाजकार्याचे फोटो आफ्रिदीने ट्विटरवर शेअर केले आहेत. या त्याच्या पोस्टलाही चचांगला प्रतिसाद मिळत आहे.
करोना व्हायरसविरुद्धच्या लढ्यात खेळाडूंनी देखील पुढाकार घेतला आहे. फक्त भारतातील नाही तर अन्य देशातील क्रिकेटपटू करोनाग्रस्तांसाठी मदत करत आहेत. पाकिस्तानचा माजी क्रिकेटपटू शाहीद आफ्रिदी देखील करोना व्हायरसमुळे पीडित असलेल्यांना आणि गरजू लोकांना मदत करत आहे. आफ्रिदीच्या या प्रयत्नांना भारताचा माजी अष्ठपैलू खेळाडू
आणि
यांनी सोशल मीडियावरून पाठिंबा दिला. पण आता युवी आणि हरभजन यांनी आफ्रिदीचे केलेले हे कौतुक महागात पडत आहे.
आफ्रिदीचे कौतुक केल्याबद्दल सोशल मीडियावर या दोघांनाही ट्रोल केले जात आहे. अनेक नेटिझन्सनी या दोघांना तुम्हाला लाज वाटत नाही का असा प्रश्न विचारला आहे. इतक नव्हे तर काहींनी तर युवराज सिंगला ब्लॉक केले आहे आणि त्याचा स्क्रीनशॉट शेअर केला आहे. विशेष म्हणजे भारतात #ShameOnYuviBhajji हा हॅशटॅग ट्रेंडिगमध्ये आहे. त्यामुळे सध्याच्या घडीला हरभजन सिंगवर देशवासिय कमालीचे नाराज असल्याचे चित्र पुढे आल्याचे दिसत आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
