वेस्ट इंडिजविरुद्धच्या टी-२० मालिकेची तयारी सुरू करण्याआधी टीम इंडियातील खेळाडूंनी एकत्र बसून आयपीएलला मेगा लिलाव पाहिला. भारताचा कर्णधार रोहित शर्मा याने इंस्टाग्रामवर लिलाव पाहत असलेल्या भारतीय खेळाडूंचा फोटो शेअर केलाय. या फोटोत युजवेंद्र चहल, ईशान किशन, श्रेयस अय्यर, शार्दूल ठाकूर, ऋषभ पंत आणि सूर्यकुमार यादव हे खेळाडू दिसत आहेत. फोटो शेअर करताना रोहित म्हणतो, थोडे टेन्शन तर काही आनंदी चेहरे. या फोटोतील पंत आणि सूर्यकुमार यादव यांना लिलावात बोली लावली नाही. त्यांना संघांनी आधीच रिटने केले आहे.
वाचा- आर्थिक अडचणींमुळे वडिलांचे दुकान झाले बंद; IPL मध्ये लागली २.६ कोटींची बोली; बहीणही आहे क्रिकेटपटू
वाचा- IPLच्या इतिहासात प्रथमच असे घडले, लिलावात…
गेल्या वर्षी दिल्ली कॅपिटल्सकडून खेळणाऱ्या श्रेयस अय्यरला कोलकाता नाईट रायडर्सने १२ कोटी २५ लाखांना खरेदी केले. कर्णधारपद न दिल्याने श्रेयसने दिल्ली सोडण्याचा निर्णय घेतला होता. कोलकाता संघाकडे सध्या कर्णधार नाही. आता आगामी हंगामात श्रेयसकडे नेतृत्व दिले जाऊ शकते. जलद गोलंदाज आणि ऑलराउंडर शार्दूल ठाकूरला दिल्ली कॅपिटल्सने १० कोटी ७५ लाखांना खरेदी केले. तो गेल्या हंगामात चेन्नई संघाकडून खेळत होता.
ईशान किशनला या लिलावात सर्वाधिक बोली मिळाली. त्याला मुंबईने १५ कोटी २५ लाखांना खरेदी केले. गेल्या वर्षी ईशान मुंबईकडून खेळत होता. पण त्याला रिटेन केले नव्हते. युजवेंद्र चहल आता राजस्थानकडून खेळताना दिसेल. त्यासाठी ६ कोटी ५ लाख मोजले.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
