काही दिवसांपूर्वी जोस बटलरने करोना विरुद्धच्या लढाईसाठी निधी गोळा करण्याचा निर्णय घेतला होता. करोना रुग्णांवर उपचार करणाऱ्यांना रुग्णालयांना मदत करण्यासाठी बटलरने २०१९च्या वर्ल्ड कप फायनलमध्ये घातलेली जर्सीचा लिलाव करण्याचा निर्णय घेतला. या जर्सीच्या लिलावातून मिळणारे पैसे करोनाग्रस्तांच्या उपचारासाठी वापरले जाणार आहेत. बटलरच्या जर्सीला ८० हजार डॉलर इतकी बोली मिळाली.
माझ्यासाठी हा एक खास जर्सी आहे. पण सध्याच्या परिस्थितीत त्याचा उपयोग होऊ शकतो, असे बटलरने लिलाव पूर्ण झाल्यानंतर म्हटले. बटलरच्या प्रयत्नांबद्दल अनेक क्रिकेटपटूंनी सोशल मीडियावरून त्याचे कौतुक केले होते.
गेल्या वर्षी १४ जुलै रोजी इंग्लंड आणि न्यूझीलंड यांच्यात वर्ल्ड कप फायनल झाली होती. दोन्ही संघांनी ५० षटकात समान धावा केल्याने सामना सुपर ओव्हरमध्ये गेला. सुपर ओव्हरमध्ये देखील सामना टाय झाल्यावर सर्वाधिक चौकार मारणाऱ्या इंग्लंड संघाला विजेतेपद देण्यात आले होते.
करोना व्हायरसविरुद्ध लढण्यासाठी अनेक खेळाडू मदत करत आहेत. जगभरातील क्रिकेटपटू देखील आर्थिक स्वरुपात मदत देत आहेत. भारतीय क्रिकेटपटूंमध्ये सचिन तेंडुलकर, सौरव गांगुली, विराट कोहली, रोहित शर्मा आदी क्रिकेटपटूंनी काही लाखांमध्ये केंद्र आणि राज्य सरकारांना मदत केली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
