करोना व्हायरसचा फटका क्रीडा क्षेत्रालाही बसत होता. पण आता क्रीडा क्षेत्रासाठी एक वाईट बातमी समोर आली आहे. कारण करोना व्हायरस एका दिग्गज खेळाडूचा मृत्यू झाल्याचे वृत्त आहे.

सध्याच्या घडीला जगभरात करोना व्हायरसचे थैमान आहे. आतापर्यंत जगभरात जवळपास १५ लाख लोकांना करोना व्हायरसने गाठले आहे, तर ८२ हजार लोकांचा मृत्यू झाला आहे. आता हे करोना व्हायरसचे तांडव संपणार तरी कधी, याची प्रतिक्षा लोकं करत आहेत.

करोना व्हायरसमुळे एक वाईट बातमी आज क्रीडा विश्वामध्ये येऊन धडकली. करोना व्हायरसमुळे स्विर्त्झलंडचे दिग्गज आईस हॉकीपटू रॉजर चॅपोट यांचा मृत्यू झाला आहे. रॉजर यांनी देशासाठी शंभरपेक्षा जास्त सामने खेळले होते, ते ७९ वर्षांचे होते. १९६० चे दशक रॉजर यांनी तांगलेच गाजवले होते.

याबाबत आंतरराष्ट्रीय आइस हॉकी संघटनेने सांगितले आहे की, ” रॉजर हे दोन आठवडे हॉस्पिटलमध्ये होते. त्याटनंतर त्यांना १ एप्रिलला घरी सोडण्यात आले होते. पण त्यानंतर त्यांची अवस्था बिकट झाली आणि त्यानंतर त्यांचे आज निधन झाले. रॉजर हे दिगज्ज हॉकीपटू होते. एक काळ त्यांनी चांगलाच गाजवला होता.”

रॉजर हे १९५८ ते १९७६ या कालावधीमध्ये हॉकी खेळले होते. त्याचबरोबर १९६४ साली झालेल्या हिवाळी ऑलिम्पिकमध्ये त्यांनी देशाचे प्रतिनिधीत्व केले होते. त्याचबरोबर स्विस लीगमध्ये सर्वाधिक गोल करण्याचा पराक्रम त्यांनी १९६४ साली केला होता.

लॉकडाऊनमध्ये हॉकी इंडियाचा मोठा निर्णयकरोना व्हायरसचा मोठा फटका क्रीडा जगतालाही बसला आहे. त्यामुळे सर्च स्पर्धा रद्द किंवा पुढे ढकलल्या गेल्या आहेत. सध्याच्या घडीला एकही स्पर्धा सुरु नाही. त्यामुळे खेळाडू सध्या घरी बसून आहेत. या परिस्थितीमध्ये हॉकी इंडियाने या लॉकडाऊनमध्ये एक मोठा निर्णय घेतला आहे.

लॉकडाऊनमध्ये खेळाडूंना घरबाहेर पडणेही मुश्कील झाले आहे. हॉकी हा एक सांघिक खेळ आहे. त्यामुळे या खेळाचा सराव एकत्रितपणे करावा लागतो. मार्च ते जून या कालामधीमध्ये भारताच्या हॉकी संघांच्या विविध सहा आंतरराष्ट्रीय स्पर्धा होणार होत्या. या स्पर्धा जर्मनी, इंग्लंड, कोरिया, बांगलादेश, नेदरलँड्स या देशांमध्ये होणार होत्या.

भारताच्या विविध हॉकी संघांचे आंतरराष्ट्रीय कार्यक्रम हॉकी इंडियाने पाहिले आहेत. त्याचबरोबर सध्याच्या घडीला जगभरात करोना व्हायरसमुळे चिंतेचे वातावरण आहे. हे सारे पाहता हॉकी इंडियाने जूनपर्यंतच्या सर्व स्पर्धा पुढे ढकलण्याचा मोठा निर्णय घेतला आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here