सातारा येथे शनिवारी झालेल्या लढतीत पृथ्वीराज पाटील याने मुंबईच्या प्रकाश बनकरला पराभूत केले होते. या लढतीनंतर पृथ्वीराजला बक्षीस दिले नाही. याबद्दलची खंत पृथ्वीराजने महाराष्ट्र टाईम्सशी बोलून दाखवली होती. पृथ्वीराजच्या विजयाने कोल्हापूरला २१ वर्षानंतर ही मानाची गदा मिळाली आहे. या वृत्तानंतर महाराष्ट्र केसरी पृथ्वीराज पाटील याला भारतीय जनता पक्षाकडून ५ लाख देऊन सत्कार करणार असल्याचे देवेंद्र फडणवीस यांनी जाहिर केले. कोल्हापूर दौऱ्यावर आलल्या फडवणीस यांनी पत्रकार परिषदेत ही घोषणा केली. पक्षाचे प्रदेशाध्यक्ष चंद्रकांत पाटील यांनी पृथ्वीराज यांचा सत्कार केला जाईल आणि पुढच्या सरावासाठी ५ लाख रुपये दिले जातील, असे फडवणीस म्हणाले. त्या पाठोपाठ गृहराज्यमंत्री शंभुराज देसाई यांनी स्वर्गीय शिवाजीराव देसाई ट्रस्ट तर्फे २ लाख रुपयांचा धनादेश पृथ्वीराजला दिला.
वाचा- लाज गेली! महाराष्ट्र केसरी स्पर्धेत धक्कादायक प्रकार
शंभुराज देसाई यांनी या प्रकरणी सकाळी हे देखील स्पष्ट केले होते की, मल्ल प्रचंड मेहनतीने हा किताब मिळवतात बक्षीसच देण्याची जबाबदारी जर शासनाची असेल तर शासनाकडून हे बक्षीस दिलं जाईल आणि जर ही जबाबदारी आयोजकांची असेल तर आयोजकांना सुचना दिल्या जातील. बक्षीसच न देणे ही मोठी चुक असल्याचं गृहराज्यमंत्री शंभुराज देसाई यांनी म्हटले होते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
