लॉकडाऊनमध्ये धोनी देतोय ऑनलाईन कोचिंग

सध्याच्या घडीला भारतामध्ये करोना व्हायरसमुळे लॉकडाऊन आहे. या लॉकडाऊनमुळे भारतातील काही स्पर्धा रद्दही झाल्या आहेत. त्याचबरोबर सर्व खेळाडूही आपल्या घरी आहेत. पण या लॉकडाऊनमध्ये भारताचा माजी कर्णधार चाहत्यांसाठी एक अनोखी गोष्ट घेऊन आला आहे. धोनीने या लॉकडाऊनमध्ये ऑनलाईन कोचिंग सुरु केली आहे.
वाचा-

धोनीने क्रिकेट जगतामध्ये एक कर्णधार म्हणून आपला अक अमीट ठसा उमटवलेला आहे. त्याचबरोबर एक यष्टीरक्षक आणि फलंदाज म्हणूनही धोनीने नेत्रदीपक कामगिरी केलेली आहे. सध्याच्या घडीला धोनी फिट खेळाडू आहे. धोनीला हे सर्व कसं जमतं, हा प्रश्न बऱ्याच जणांना पडलेला आहे. त्याचबरोबर धोनी नेमकं काय प्रशिक्षण घेतो, याची उत्सुकताही चाहत्यांना आहे. त्यासाठी धोनीने एक शक्कल लढवली आहे.

धोनीने सध्या ऑनलाईन कोचिंग सुरु केली आहे. यामध्ये एखाद्या गोष्टीचे प्रशिक्षण कसे घ्यायचे किंवा एखाद्या गोष्टीचा सराव कसा करायचा, हे धोनी ऑनलाईन कोचिंगच्या माध्यमातून आपल्या चाहत्यांना दाखवत आहे. धोनीकडून ऑनलाईन कोचिंग घेणे, ही चाहत्यांसाठी एक पर्वणीच ठरलेली आहे. सध्याच्या घडीला धोनीच्या या ऑनलाईन कोचिंगला १० हजार चाहत्यांनी प्रतिसाद दिलेला आहे.

सध्याच्या घडीला भारतामध्ये लॉकडाऊन आहे. करोना व्हायरसचा फटका संपूर्ण देशासह भारतालाही बसलेला आहे. त्यामुळे देशात संचारबंदी लागू करण्यात आली आहे. भारतामधील सर्व क्रीडा स्पर्धा रद्द केल्या आहेत. या गोष्टीचा फटका खेळाडूंनाही बसला आहे. पण या लॉकडाऊनमध्ये भारताचा माजी कर्णधार महेंद्रसिंग धोनी करतोय तरी काय, हा प्रश्न तुम्हाला पडला असेल…

सध्याच्या घडीला करोना व्हायरसमुळे आयपीएल पुढे ढकलण्यात आले आहे. १५ एप्रिलला आयपीएलबाबत निर्णय होणार आहे. त्यामुळे आयपीएलच्या संघातील सर्वच खेळाडू आपल्या घरी आहेत. पण धोनी सध्या काय करतोय, हा प्रश्टन सर्वांनाच पडलेला आहे. कारण तो या काळात लोकांपुढे आलेला पाहायला मिळालेला नाही. यंदाचे आयपीएल होणार की नाही, याबाबत बरीच चर्चा सुरु आहे. यंदाच्या आयपीएलवर धोनीचे आंतरराष्ट्री करीअर अवलंबून असल्याचेही म्हटले जात आहे. त्यामुळे धोनीसाठी हा सर्वात कठीण काळ असल्याचे म्हटले जात आहे.