करोना व्हायरसमुळे देशभरात लॉकडाऊन आहे. त्यामुळे यंदा २९ एप्रिलला होणारी आयपीएल पुढे ढकलण्यात आली आहे. आता १५ एप्रिलला आयपीएलबाबत निर्णय होणार आहे. पण सध्याच्या घडीला तरी आयपीएल खेळवण्यासाठी कोणीही तयार नाही. जर आयपीएल रद्द करण्यात आली तर बीसीसीआय आणि आयपीएलमधील संघ मालकांना मोठे नुकसान होऊ शकते. पण तरीही कसलीही तमा न बाळगता आयपीएल विजेत्या एका संघाने सरकारला थेट १० कोटींची मदत केली आहे.
आयपीएलचे विजेतपद पटकावलेल्या सनरायझर्स हैदराबाद या संघाने करोनाशी लढण्यासाठी १० कोटी रुपयांची मदत केलेली आहे. हैदराबादच्या संघाची मालकी ‘सन टीव्ही’कडे आहे. त्यांनी आयपीएलशी मुकाबला करण्यासाठी १० कोटी रुपयांची मदत सरकारला केली आहे.
हैदराबादच्या संघाने १० कोटी रुपयांची मदत केल्यावर संघाचा माजी कर्णधार आणि धडाकेबाज सलामीवीर डेव्हिड वॉर्नरने कौतुक केले आहे.
करोना व्हायरसच्या संकटामुळे या वर्षी आयपीएल स्पर्धा होणार नाही हे जवळपास निश्चित झाले आहे. स्पर्धा झाली नाही तर बीसीसीआयसह आठ संघांना कोट्यवधींचे नुकसान होऊ शकते. आयपीएल स्पर्धा कधी होणार याची निश्चिती नाही आणि याचा पहिला फटका एका संघाला बसला आहे.
वाचा-
करोना व्हायरसमुळे बीसीसीआयने २९ मार्चपासून सुरू होणारी आयपीएल स्पर्धा १५ एप्रिलपर्यंत स्थगित केली होती. पण आता १५ एप्रिलनंतर देखील ही स्पर्धा होण्याची शक्यता वाटत नाही. आयपीएल खेळवण्याच्या पर्यायावर बीसीसीआय विचार करत असला तरी त्यावर देखील ठामपणे कोणीही सांगू शकत नाही. आयपीएलवरील या अनिश्चितचेचा पहिला फटका
संघाला बसला आहे. राजस्थान संघाने दुबई एक्सपो सोबत जर्सीसाठी करार केला होता. दुबई एक्सपोने स्पॉन्सरशिप डील रद्द केली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
