वाचा-
बीसीसीआयमधील अधिकाऱ्यांनी दिलेल्या माहितीनुसार आता ही स्पर्धा एप्रिल-मे मध्ये होण्याची शक्यता नाही. अर्थात बीसीसीआयकडून अद्याप यासंदर्भातील अधिकृत घोषणा करण्यात आलेली नाही. पण सूत्रांनी दिलेल्या माहितीनुसार बीसीसीआयने आयपीएलमधील ८ संघांना आणि प्रायोजकांना याची कल्पना दिली आहे.
वाचा-
आयपीएलचा १३वा हंगाम स्थगित केला जात आहे रद्द नाही, असे एका अधिकाऱ्याने सांगितले. आम्हाला आशा आहे की या वर्षाच्या अखेरीस आयपीएल होऊ शकेल. यासाठी मार्ग निघेल अशी आशा आहे, असे एका संघाच्या अधिकाऱ्याने सांगितले.
वाचा-
बीसीसीआयचे अध्यक्ष सौरव गांगुली आणि सचिव जय शहा सरकारच्या आदेशाची वाट पाहत असल्याचे समजते. लॉकडाऊनचा कालावधी वाढवल्याने आयपीएल एप्रिल-मे महिन्यात होण्याची शक्यता कमीच आहे. नियोजित वेळेनुसार ही स्पर्धा २० मार्च ते २४ मे या काळात होणार होती.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
