मोदी यांनी यावेळी माजी विश्वविजेता विश्वनाथन आनंद, विदीत गुजराथी, कोनेरु हम्पी, बी. अधिबान, धारीका आणि पी. हरीकृष्णा या बुद्धिबळपटूंचे कौतुक केले आहे. मोदी यांनी याबाबत एक ट्विट केले आहे आणि या बुद्धिबळपटूंचे कौतुक केले आहे.
मोदी यांनी आपल्या ट्विटमध्ये म्हटले आहे की, ” एक अनोखा प्रयत्न माजी विश्वविजेता विश्वनाथन आनंद, विदीत गुजराथी, कोनेरु हम्पी, बी. अधिबान, धारीका आणि पी. हरीकृष्णा यांनी केला आहे. मला विश्वास आहे की, त्यांना हे सारे करत असताना चांगलाच अनुभव आला असेल.”
बुद्धिबळपटूंनी नेमके केले तरी काय…माजी विश्वविजेता विश्वनाथन आनंद, विदीत गुजराथी, कोनेरु हम्पी, बी. अधिबान, धारीका आणि पी. हरीकृष्णा या भारताच्या बुद्धिबळपटूंनी ऑनलाईन स्पर्धा खेळली. या ऑनलाईन स्पर्धेतून या सर्वांनी मिळून साडे चार लाख रुपये पीएम केअर्स फंडला दान केले आहेत. ही स्पर्धा ऑनलाईन होती, त्यामुळे कोणताही खेळाडू एकमेकांच्या संपर्कात आले नाही. या खेळाडूंनी सर्व नियम पाळले, खेळ खेळ आणि देशासाठी मदतनिधीही गोळा केला.
यापूर्वी भारताच्या बऱ्याच खेळाडूंनी सरकारला करोनाशी लढण्यासाठी मदतनिधी दिला आहे. बीसीसीआयनेही यावेळी ५१ कोटी रुपयांची मदत देशाला केली आहे. त्याचबरोबर अजून निधी लागल्यास देण्यासाठी बीसीसीआय तयार आहे. काही खेळाडू रस्त्यावर उतरून गरजूंना अन्नदान करत आहेत. त्याचबरोबर त्यांच्या मुलभूत गरजा सोडवण्याचा प्रयत्न करत आहेत. काही खेळाडू पोलिस दलात आहेत, हे खेळाडू अहोरात्र जागून लोकांना करोना व्हायरसशी झुंज देताना सुरक्षित कसे ठेवता येईल, याचीदेखील काळजी घेत आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
