'तबलिगी' पोस्टवरून बबिता-स्वरामध्ये 'दंगल'

भारतात करोना व्हायरस पसरण्यास ‘तबलिगी जमात’ जबाबदार असल्याचे काही संघटना जाणूनबुजून फैलावत आहेत. आता अशा प्रकारचे मत भारताच्या एका महिला कुस्तीपटू बबिता फोगटने व्यक्त केले होते. तिच्या या वक्तव्याटनंतर देशभरात प्रचंड गोंधळ झाला होता आणि शाब्दिक युद्ध सुरु झाले होते. आता बबिता आणि बॉलीवूडची अभिनेत्री स्वरा भास्कर यांच्यामध्ये शाब्दिक ‘दंगल’ झाल्याचे पाहायला मिळत आहे.

अर्जुन पुरस्कार विजेत्या बबीताने, करोना व्हायरस भारताची दुसरी मोठी समस्या आहे. तर ‘तबलिगी जमात’ ही अद्याप नंबर एकवर आहे. तिच्या या ट्विटवरून अनेकांनी विरोध करण्यास सुरुवात केली.

बबिताविरुद्ध बोलताना स्वराने काही गोष्टी दाखवल्या आहे. स्वराने एक ट्विटकरून बबिताविरुद्ध एक पोस्ट सोशल मीडियावर पोस्ट केली आहे. स्वरा म्हणाली की, ” बबिताजी, आम्ही तुमचे चाहते आहोतच. पण ही आकडेवारी पाहा. या भक्तांची करोना चाचणी झाली होती का? कृपया या गोष्टीचाही विचार करायला हवा. त्याचबरोबर तबलिगी जमातच्या कार्यटक्रमासाठी दिल्ली पोलिसांनी परवानगी दिलीच कशी? हा प्रश्नदेखील तुम्ही उठवायला हवा.”

स्वराच्या या पोस्टला बबितानेही उत्तर दिले आहे. बबिता म्हणाली की, ” स्वरा, आपल्या देशाची लोकसंख्या ही १३५ कोटी एवढी आहे. करोनाच्या संकटापासून वाचण्यासाठी सरकार सर्वतोपरी प्रयत्न करत आहे. दिल्लीतून लाखो कामगार बिहार आणि उत्तर प्रदेशला रवाना झाले आहेत. पण करोना पसरवण्यासाठी ही मागास जमातच आघाडीवर का आहे? ”

करोनामुळे भारतावरच नव्हे तर संपूर्ण जगावर परिणाम झाला आहे. चीनमधून सुरूवात झालेल्या या व्हायरसमुळे काही हजार जणांचा मृत्यू झाला. यापासून बचाव करण्यासाठी देशात ३ मे पर्यंत लॉकडाऊन वाढवला आहे. या दरम्यान भारताची कुस्तीपटू बबीता फोगाटने ‘तबलिगी जमात’ संदर्भात एक ट्विट केले. यावरून ती आता ट्रोल होत आहे. काही लोकांनी बबीताचे ट्वीवटर अकाऊंट सस्पेंड करण्याची मागणी केली आहे. बबिताविरोधात औरंगाबादमध्ये गुन्हा दाखल केल्याचे वृत्त आहे.