लॉकडाऊनमध्ये झाला सामना; खेळाडूंमध्ये जोरदार हाणामारी

ताइपेइ: करोना व्हायरसचा फटका सर्व क्रीडा सामन्यांना बसला आहे. यामुळे ऑलिम्पिकपासून सर्व स्पर्धा स्थगित करण्यात आल्या आहेत. अशातच एक क्रीडा असा आहे जो रिकाम्या मैदानात प्रेक्षकांशिवाय सुरू आहे आणि करोना व्हायरसपासून बचाव करण्यात त्यांना यश देखील आले. एका बाजूला टेनिस, क्रिकेट, बॅटमिंटन, फुटबॉल क्षेत्रातील सर्व खेळाडू घरात बसले असताना बेसबॉलचे खेळाडू मात्र मैदानात खेळत आहेत. पण अशाच सामन्यात एक नको तो प्रकार घडला.

वाचा-
जगभरत क्रीडा स्पर्धा बंद असताना तैवानने मात्र बेसबॉल स्पर्धेचे आयोजन केले. सर्व जगासमोर एक आदर्श निर्माण करणाऱ्या तैवानमधील एका बेसबॉल सामन्यात दोन संघांमधील खेळाडूंमध्ये राडा झाला. चीनच्या अगदी जवळ असलेल्या तैवानमध्ये करोनाचे ४२२ रुग्ण आढळले आहेत तर सहा जणांचा मृत्यू झाला आहे. तैवान आणि चीनचे आर्थिक संबंध असताना देखील त्यांनी करोना व्हायरसला नियंत्रणात ठेवले आहे. यामुळेच तैवानचे जगभरात कौतुक होत आहे.

वाचा-
करोना नियंत्रणात असल्यामुळे तैवानने देशातील बेसबॉल स्पर्धा रद्द न करण्याचा निर्णय घेतला. जगातील काही मोजक्या लीग स्पर्धेत याचा समावेश होतो. करोनामुळे अन्य स्पर्धा रद्द झाल्या असताना ही लीग स्पर्धा मात्र सुरू होती.

वाचा-

वाचा-
पण रविवारी स्पर्धेतील राकुटेन मोंकीज आणि फुबोन गार्डियन्स या दोन संघात सुरू असलेल्या सामन्यात खेळाडूंमध्ये राडा झाला. फुबोनचा पिचर हेनरी सोना याने राकनेट च्या कुओ येन वेनला चेंडू मारला आणि दोन संघांच्या खेळाडूंमध्ये राडा सुरू झाला. या घटनेचा व्हिडिओ सोशल मीडियावर व्हायरल झाला आहे.

वाचा-