धोनीचे भवितव्य सध्या अधांतरी असल्याचे म्हटले जात आहे. कारण आयपीएल पुढे ढकलण्यात आले आहे. त्यामुळे आयपीएल खेळून भारतीय संघाचे दार ठोठावण्याचा धोनीचा प्लॅन आता पूर्णपणे फसला आहे. त्यामुळे धोनीचे चाहते नाराज झाल्याचे पाहायला मिळत होते. पण धोनीच्या या गाण्यामुळे त्याचे चाहते चांगलेच आनंदले आहेत. हे गाणं चेन्नई सुपर सिंग्सने आपल्या ट्विटर हँडलवरून पोस्ट केले आहे. या धोनीच्या गाण्याच्या व्हिडीओला चाहत्यांकडून भरभरून प्रतिसाद मिळत असल्याचे पाहायला मिळाले आहे. लॉकडाऊनमध्ये एखाद्या खेळाडूवर गाणं येण्याची ही पहिलीच वेळ असल्याचेही म्हटले जात आहे.
धोनी हा आयपीएलमध्ये चेन्नई सुपर किंग्स संघाकडून खेळतो. धोनीबरोबर चेन्नईच्या संघामध्ये वेस्ट इंडिजचा अष्टपैलू खेळाडू ड्वेन ब्राव्होही आहे. ब्राव्हो हा चांगला गायक आणि डान्सरही आहे. ब्राव्होने २०१६ साली चॅम्पियन्स हे गाणं क्रिकेट विश्वात आणले होते आणि त्यावेळी वेस्ट इंडिजने ट्वेन्टी-२० विश्वचषकही जिंकला होता. आता ब्राव्होने धोनीसाठी खास गाणं तयार केले आहे, या गाण्याचा आता धोनीच्या कारकिर्दीला कितपत फायदा होतो, याची उत्सुकता त्याच्या चाहत्यांना नक्कीच असेल.
करोना व्हायरसमुळे करण्यात आलेल्या या लॉकडाऊनमुळे भारताच्या क्रीडा क्षेत्राला मोठा धक्का बसला आहे. कारण भारताला दक्षिण आफ्रिकेबरोबरची क्रिकेट मालिका रद्द करावी लागली होती. त्याचबरोबर आता आयपीएलही अनिश्चित कालावधीसाठी पुढ ढकलण्यात आले आहे. पण या काळात धोनीवर आलेल्या गाण्यामुळे चाहते खूष झाले आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
