बबीताने काय पोस्ट केली होतीअर्जुन पुरस्कार विजेत्या बबीताने, करोना व्हायरस भारताची दुसरी मोठी समस्या आहे. तर ‘तबलिगी जमात’ ही अद्याप नंबर एकवर आहे. तिच्या या ट्विटवरून अनेकांनी विरोध करण्यास सुरुवात केली.
बबीतावर ज्वाला भडकली…बबीताच्या या वक्तव्यावर भारताची महिला बॅडमिंटनपटू ज्वाला गट्टा चांगलीच वैतागली आहे. यावेळी ज्वाला म्हणाली की, ” मी बबीताची पोस्ट पाहिली, त्याबरोबर बबीताच्या पोस्टवर आलेल्या प्रतिक्रीयाही पाहिल्या. माझ्यामते बबीता एका समाजाला लक्ष्य करीत आहे. आपण समाजातील एक प्रतिष्ठीत व्यक्ती आहोत, त्यामुळे आपण समाजात कसे वागायला हवे, याचे भान ठेवणे गरजेचे आहे. माझ्यामते बबीताने केलेली पोस्ट ही एका समाजाला दुसऱ्या बद्दल भडकवणारी आहे. दोन समाजांमध्ये द्वेष पसरवणारी आहे.”
बबीताविरुद्ध महाराष्ट्रात तक्रारतबलिगी जमातबाबत वादग्रस्त पोस्ट करणारी भारताची महिला कुस्तीपटू बबीता फोगटविरोधात महाराष्ट्रातील औरंगाबादमध्ये तक्रार दाखल करण्यात आली आहे. बबीताच्या पोस्टमुळे समाजात तेढ निर्माण होऊ शकते, त्यामुळे बबीताविरोधात औरंगाबाद शहर चौकातील पोलिस स्थानात तक्रार दाखल करण्यात आली आहे. आता बबीता या तक्रारीविरोधात नेमके काय पाऊल उचलते, याची उत्सुकता बऱ्याच जणांना आहे.
बबीताविरोधात तबलिगी जमातशी संबंधित एका व्यक्तीने तिच्याविरुद्ध औरंगाबाद येथे तक्रार दाखल केली आहे. बबीताच्या पोस्टमुळे समाजात तेढ निर्माण होत आहे आणि ते भारतासाठी योग्य नाही, असे तक्रारीमध्ये म्हटले गेले आहे. त्यामुळे आता बबीतापुढे समस्या वाढत असल्याचे दिसत आहे. आता या गोष्टीला बबीता कशी सामोरी जाते आणि या तक्रारीविरोधात बबीता काय भूमिका घेते, याची उत्सुकता आता देशवासियांना आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
