Authored by Maharashtra Times | Updated: Jun 30, 2022, 7:11 PM

रोहित शर्मा हा भारताचा कर्णधार होऊ शकतो, असे भारताचे मुख्य प्रशिक्षक राहुल द्रविड यांनी सांगितले होते. पण आता रोहित शर्माच्या दुसऱ्या कसोटी चाचणीचा अहवालही समोर आला आहे. रोहित शर्मा हा आता पुन्हा करोना पॉझिटीव्ह असल्याचे समोर आले आहे. पण रोहित जर करोना निगेटीव्ह आला असता तरी ता हा सामना का खेळू शकला नसता, पाहा….

 

रोहित शर्मा (सौजन्य-्टविटर)
लंडन : रोहित शर्मा जर करोना निगेटीव्ह आला तर तो इंग्लंडविरुद्धच्या कसोटीत खेळू शकतो, असे भारताचे मुख्य प्रशिक्षक राहुल द्रविड यांनी बुधवारी आपले मत व्यक्त केले होते. पण रोहित जरी करोना निगेटीव्ह आला तरी तो इंग्लंडविरुद्धच्या कसोटीत खेळू शकणार नाही, असे आता समोर आले आहे.
रोहित करोना निगेटीव्ह आला असता तरी का खेळू शकणार नाही, जाणून घ्या…
रोहितला पहिल्यांदा २५ जूनला करोना झाल्याचे समोर आले होते. त्यावेळी भारतीय संघ हा सराव सामना खेळत होता. त्यानंतर रोहितला पाच दिवसांसाठी विलगीकरणात ठेवण्यात आले होते. त्यानंतर २९ जूनला पुन्हा एकदा रोहितची करोना चाचणी करण्यात आली होती आणि ती पॉझिटीव्ह आली होती. त्यानंतर पुन्हा एकदा ३० जूनला रोहित शर्माची करोना चाचणी घेण्यात आली आणि या चाचणीचा अहवाल पॉझिटीव्ह आला. त्यामुळे रोहित हा कसोटीत खेळणार नसल्याचे स्पष्ट झाले. रोहित जर करोना निगेटीव्ह आला असता तरी त्याला कसोटी खेळता आले नसते. या गोष्टीचे कारण भारताच्या एका माजी क्रिकेटपटूने सांगितले आहे.

भारताचा माजी क्रिकेटपटू आकाशा चोप्राने सांगितले आहे की, ” रोहित शर्मा जरी करोना निगेटीव्ह आला असता तरी त्याला खेळण्यात आले नसते. कारण मलाही आयपीएलच्या सुरुवातीला करोनाची लागण झाली होती. त्यामुळे करोना झाल्यावर नेमके शरीरात काय बदल होतात, हे मला चांगलेच माहिती आहे. जेव्हा तुम्हाला करोना होतो तेव्हा तुम्ही अशक्तपणा येतो. तुमच्या अंगात त्राण उरत नाही. इथे तर रोहित शर्माला मैदानात उतरावे लागणार होते आणि त्याला संघाचे कर्णधारपदही भूषवायचे होते. त्यामुळे माझ्यामते जर रोहित जर करोना निगेटीव्ह आला असता तरी त्याचे कसोटी सामन्यात खेळणे कठीण होते.”

रोहितला सराव सामना खेळताना करोनाची लागण झाल्याचे समोर आले. त्यानंतर त्याची दोन वेळा करोना चाचणी घेण्यात आली आणि दोन्ही वेळा तो करोना पॉझिटीव्ह सापडला आहे. त्यामुळे आता कसोटी सामन्यात तो खेळू शकणार नाही, हे बीसीसीआयने स्पष्ट केले आहे..

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : rohit sharma will not play 5th test even if tested covid negative, know the reason explain by aakash chopra
Marathi News from Maharashtra Times, TIL Network

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here