ind vs eng, भारताला पहिली विकेट मिळवण्यासाठी जास्त वेळ का लागला, जाणून घ्या मोठं कारण… – why team india took so long to get the first wicket of england in edgbaston test , know the big reason …

सर्वात महत्वाची गोष्ट म्हणजे जेव्हा इंग्लंडचे दोन्ही सलामीवीर आक्रमक फलंदाजी करत धावा वसूल करत होते, तेव्हा बुमराने वेगवान मारा सुरु ठेवायला हवा होता आणि चेंडू ऑफ स्टम्पच्या बाहेर टाकत निर्धाव काढण्याची रणनिती आखायला हवी होती. कारण जर चेंडू निर्धाव जायला सुरुवात झाली असती तर इंग्लंडचे सलामीवीर चुकीचे फटके मारण्यासाठी गेले असते आणि भारताला विकेट मिळू शकली असती. पण ही रणनिती आखण्यात बुमरा अपयशी ठरला आणि त्यामुळेच इंग्लंडच्या सलामीवीरांना शतकाची वेस ओलांडता आली. दोन वेगवान गोलंदाजांना अपयश आले असले तरी त्यानंतर कर्णधार बुमराने मोहम्मद सिराज आणि शार्दुल ठाकूर यांच्यावर विश्वास ठेवून त्यांना गोलंदाजीसाठी पाचारण करायला हेवे होते. पण ही गोष्ट बुमराने केली नाही. बुमराने त्यावेळी रवींद्र जडेजाच्या हाती चेंडू सुपूर्द केला आणि इंग्लंडच्या दोन्ही सलामीवीरांनी स्थिरस्थावर होण्यासाठी त्याच्या गोलंदाजीचा वापर केला.