वाचा-
आजपासून म्हणजे २५ एप्रिलपासून ताइपेइ येथे टी-१० लीग स्पर्धा सुरू होत आहे. तायवान टी-१० लीग २०२० या स्पर्धेत आठ संघ खेळत आहेत. या स्पर्धेतील सर्व सामने शनिवार आणि रविवारी होणार आहेत. ही स्पर्धा १७ मे पर्यंत चालणार आहे.
वाचा-
वाचा-
टी-१० लीगमध्ये सिंचू टायटन्स, ताइपेइ डेअरडेव्हिल्स, टीसीए इंडियन्स, चेयाई स्विंगर्स, पीसीसीटी युनायडेट, आयसीसीटी स्मॅशर्स, ताइपेइ ड्रॅगस आणि एफसीसी फॉर्मोसांस हे संघ सहभागी होणार आहेत. स्पर्धेतील संघांना दोन गटात विभागण्यात आले आहे. प्रत्येक संघ एकमेकांविरुद्ध प्रत्येकी ३ सामने खेळणार आहे. त्यानंतर अंतिम सामना १७ मे रोजी होईल.
करोना व्हायरसमुळे क्रिकेट, टेनिस, बॅडमिंटन, हॉकी, फुटबॉल आदींमधील स्पर्धा स्थगित करण्यात आल्या आहेत. क्रिकेट चाहत्यांच्या मनोरंजनासाठी काही दिवासांपासून जुने सामने पुन्हा दाखवण्यात येत आहेत. पण स्पर्धेमुळे क्रिकेट चाहत्यांना लाइव्ह नवे सामने पाहता येतील.
तैवानमध्ये फक्त क्रिकेटच नाही तर बेसबॉल स्पर्धा देखील सुरू आहेत. चीनच्या अगदी जवळ असलेल्या तैवानमध्ये करोनाचे ४२२ रुग्ण आढळले आहेत तर सहा जणांचा मृत्यू झाला आहे. तैवान आणि चीनचे आर्थिक संबंध असताना देखील त्यांनी करोना व्हायरसला नियंत्रणात ठेवले आहे. यामुळेच तैवानचे जगभरात कौतुक होत आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
