शोएबने एका मुलाखतीमध्ये पाकिस्तान क्रिकेट मंडळ आणि त्यांच्या कायदेशीर सल्लागारांवर टीका केली होती. पाकिस्तानचा क्रिकेटपटू उमर अकमलला शिक्षा सुनावल्यानंतर शोएबने ही टीका केली होती. ही टीका करत असताना पाकिस्तान क्रिकेट मंडळ आणि त्यांचे कायदेशीर सल्लागार हे अकार्यक्षम आहेत, असेही त्याने म्हटले होते.
शोएबने आपल्या मुलाखतीमध्ये पाकिस्तान क्रिकेट मंडळ आणि त्यांच्या कायदेशीर सल्लागारांचा अपमान केला आहे. त्यांना बदनाम करायचे काम शोएबने केले आहे, असे म्हणत पाकिस्तान क्रिकेट मंडळाचे कायदेशीर सल्लागार तफाझुल रिझवी यांनी अख्तरला नोटीस पाठवली होती. या नोटीशीनंतर शोएब नरमाईची भूमिका घेईल आणि माफी मागेल, असे बऱ्याच जणांना वाटले होते. पण शोएबने आता तर आक्रमक पवित्रा घेतला असल्याचे म्हटले जात आहे.
शोएबने या नोटीशीबाबत सांगितले की, ” मला जी काही नोटीस पाठवण्यात आली आहे त्यामध्ये तथ्य नाही. खोट्या गोष्टींवरून मला ही नोटीस पाठवण्यात आली आहे. या नोटीसीला माझे वकिल सलमान काझी हे उत्तर देतील. त्याचबरोबर मी माझ्या वक्तव्यावर ठाम आहे. कारण रिझवी यांचे काम समाधानास्पद नक्कीच नाही आणि तेच मी ,मुलाखतीमध्ये म्हटले होते.”
एका मुलाखतीमधून शोएबने पीसीबी आणि रिझवी यांच्यावर ताशेरे ओढले होते. त्याचबरोबर या वक्तव्याने त्यांना बदनाम करण्याचा प्रयत्न केला होता. आता हे सारे प्रकरण शोएबच्या चांगलेच अंगाशी आले आहे. कारण शोएबवर जर कारवाई करण्यात आली तर त्याला कोर्टाची पायरी चढावी लागू शकते. त्याचबरोबर त्याला काही दंडही भरावा लागू शकतो. हा दंड कोट्यावधी रुपयांमध्ये असू शकतो, असेही म्हटले जात आहे. त्यामुळे शोएब चांगलाच अचडणीत सापडलेला आहे. आता शोएब या सर्व गोष्टींना कसा सामोरा जातो आणि आ़पली बाजू कशी मांडतो, याकडे सर्वांचे लक्ष लागून राहिलेले आहे. शोएब जर या प्रकरणात दोषी आढळला तर त्याच्यावर कडक कारवाई करण्यात येऊ शकते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
