करोना व्हायरसमुळे सध्याच्या घडीला बऱ्याच देशांमध्ये लॉकडाऊन सुरु आहे. त्यामुळे बऱ्याच लोकांचा रोजगार गेला आहे. त्याचबरोबर त्यांच्यावर उपासमारीची वेळ येऊ शकते. त्यामुळे अशा लोकांना अन्न पुरवण्याचे काम शाहरुख करणार आहे.
कोणत्या देशाला शाहरुख मदत करतोयलॉकडाऊनच्या काळात शाहरुख नेमका कोणत्या देशांतील किंवा शहरांतील लोकांना मदत करतोय, याचा विचार तुम्ही करत असाल. तर शाहरुख हा वेस्ट इंडिजमधील त्रिनिदाद आणि टॉबॅगो या शहराला आता शाहरुख मदत करणार आहे. याबाबतचे एक ट्विट शाहरुखने केले आहे. या ट्विटमध्ये शाहरुखने म्हटले आहे की, लॉकडाऊनच्या काळात त्रिनिदाद आणि टोबॅगोमधील गरजूंना एक हजार फुड पॅकेट्स वाटण्याचे काम मी हॅडको या कंपनीबरोबर करत आहे.
शाहरुखचे या देशाशी कसे काय कनेक्शनशाहरुखचा आणि वेस्ट इंडिज या देशाचा काय संबंध, असा आता तुम्ही विचार करत असाल. तर वेस्ट इंडिजमध्ये जी क्रिकेटची लीग खेळवली जाते, त्यामधील एक संघ शाहरुखचा आहे. या लीगमधील त्रिनिदादचा संघ शाहरुखने जवळपास पाच वर्षांपूर्वी विकत घेतला होता. आताही शाहरुखकडेच या संघाची मालकी आहे. आयपीएलमध्ये शाहरुखची कोलकाता नाइट रायडर्स या संघात मालकी आहे. आता इंग्लंडमध्ये होणाऱ्या क्रिकेट लीगमध्येही शाहरुख संघ विकत घेणार असल्याचे समजते आहे.
कोलकाता नाइट रायडर्स या संघात शाहरुखची सहमालकी आहे. केकेआरच्या मालकांमध्ये शाहरुखबरोबर जुली चावला आणि जय मेहता यांचा सहभाग आहे. केकेआरने २०१२ आणि २०१४ साली आयपीएलचे जेतेपद पटकावले होते. त्यावेळी गौतम गंभीर हा संघाचा कर्णधार होता. पण गेल्या हंगामात केकेआरला चांगली कामगिरी करता आली नाही. त्यामुळे कर्णधार असलेल्या दिनेश कार्तिकवर गदा येऊ शकते, असे चाहते म्हणत आहेत. पण यंदा आयपीएल सुरु कधी होणार, हा सर्वात मोठा प्रश्न आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
