बलबिर हे ९६ वर्षांचे असून त्यांची प्रकृती खालावलेली आहे. त्यामुळे त्यांना चंदीगढ येथील सेक्टर ३६मधील एका खासगी हॉस्पिटलमध्ये दाखल करण्यात आले आहे. त्यांच्याबरोबर मुलगी सुशबिर आणि नातू कबिर आहेत.
बलबिर यांच्या प्रकृतीबाबत कबिरने सांगितले की, ” माझ्या आजोबांची प्रकृती खालावली आहे. त्यामुळे आम्ही त्यांना फोर्टिस हॉस्पिटलच्या आयसीयूमध्ये दाखल केले आहे. काल संध्याकाळी त्यांना त्रास जाणवू लागला होता. त्यानंतर आम्ही त्यांना हॉस्पिटलमध्ये दाखल केले. आजोबा सध्या व्हेंटिलेटरवर आहेत, पण त्यांच्या प्रकृतीमध्ये कालपेक्षा आज सुधारणा दिसत आहे.”
बलबिर यांचे राजिंदर कालरा हे फॅमिली डॉक्टर आहेत. राजेंद्र हेसुद्धा भारताच्या विश्वविजयी संघातील एक सदस्य होते. बलबिर यांच्या प्रकृतीबाबत राजिंदर यांनी सांगितले की, ” बलबिर यांना गुरुवारी १०४ डिग्री एवढा ताप होता. त्यांच्यावर काही उपचार केले, पण त्यामुळे त्यांच्या प्रकृतीमध्ये जास्त सुधारणा दिसली नाही. त्यामुळे त्यांना आम्ही हॉस्पिटलमध्ये दाखल करण्याचा निर्णय घेतला आहे. बलबिर यांना आयसीयूमध्ये दाखल करण्यात आले आहे. पण कालपेक्षा त्यांची प्रकृती आज सुधारलेली पाहायला मिळत आहे. बलबिर यांची करोना व्हायरसची आज चाचणीही करण्यात आली आहे. या चाचणीचे अहवाल उद्या आम्हाला मिळणार आहेत. ”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
