क्रीडा क्षेत्राला मोठा झटका; संपूर्ण संघाला केले क्वारंटाइन!

बर्लिन: करोना व्हायरस संदर्भातील एक मोठी बातमी समोर आली आहे. जवळपास दोन महिन्यांपासून क्रीडा क्षेत्रातील सर्वच सामने स्थगित करण्यात आले आहे. यामुळे हा व्हायरस क्रीडा क्षेत्रापासून तसा दूरच होता. पण अशातच एका देशाने स्पर्धा आयोजित करण्यास परवानगी दिली. पण आता या स्पर्धेत खेळणाऱ्या एका संघाला १४ दिवसांसाठी क्वारंटाइन करण्याची वेळ आली आहे.

पाहा-
जर्मनीत होणारी स्पर्धा सुरू होण्यास फक्त एक आठवड्याचा कालावधी शिल्लक असताना ही बातमी समोर आली आहे. तीनच दिवसांपूर्वी जर्मनीच्या चान्सलर अँजेला मर्केल यांनी १६ मे पासून ही स्पर्धा खेळवण्यास परवानगी दिली होती. पण आता या स्पर्धेत खेळणाऱ्या डायनामो ड्रेसडेन क्लब मधील दोघांना करोना व्हायरस झाल्याचे समोर आल्यानंतर संपूर्ण संघाला १४ दिवसांसाठी क्वारंटाइन करण्यात आले.

वाचा-
संघाला क्वारंटाइन करण्याचा निर्णय शनिवारी घेण्यात आला. त्यामुळे डायनामो ड्रेसडेन संघाला हनोवर संघाविरुद्ध होणारा सामना खेळता येणार नाही. क्लबचे व्यवस्थापक राल्फ मिंगे यांनी सांगितले की, गेल्या काही आठवड्यांपासून आम्ही याबाबत खुप काळजी घेतली होती. तरी आता पुढील १४ दिवस आम्हाला सराव करता येणार नाही.

वाचा-
या काळात क्लबमधील खेळाडू कोणताही सामना खेळू शकणार नाहीत. संघातील फक्त खेळाडूच नाही तर प्रशिक्षक आणि अन्य स्टाफ यांना देखील क्वारंटाइन करण्यात आले आहे.

वाचा-
विशेष म्हणजे ही स्पर्धा खेळवण्यास जेव्हा हिरवा कंदील देण्यात आला तेव्हाच त्यावर अनेकांनी टीका केली होती.

वाचा-