आपल्या आक्रमक फलंदाजीच्या जोरावर विराटने आतापर्यंत बऱ्याच धावा केल्या आहेत. त्यामुळेच तो प्रत्येक संघाच्या रडारवर सर्वप्रथम असतो. पण विराट जेव्हा बचावात्मक खेळतो, तेव्हा त्याला जास्त धावा करता येत नाही, असे काही जणांना वाटते. पण जेव्हा तो बचावात्मक खेळत असत, तेव्हा तो एक गोष्ट करतो.
कोहली जेव्हा एखादा चेंडू निर्धाव खेळतो किंवा चेंडू सोडून देतो तेव्हा तो गोलंदाजाबरोबर स्लेजिंग करतो, असा धक्कादायक खुलासा एका गोलंदाजाने केला आहे. बांगलादेशचा गोलंदाज अल अमीन हुसेनने हा खुलासा केलेला आहे.
आतापर्यंत ही गोष्ट जास्त कोणालाही माहिती नव्हते. पण आता हुसेनच्या वक्तव्यानंतर ही गोष्ट सर्वांपुढे आली आहे. विराट जे काही गोलंदाजाला बोलतो, ते सर्वांसमोर सांगू शकत नाही, असेही अमीनने सांगितले आहे.
अमीन म्हणाला की, ” जेव्हा कोहलीला एखाद्या चेंडूवर धाव काढता येत नाही, तेव्हा तो गोलंदाजाबरोबर स्लेजिंग करतो. कोहली अशी काही स्लेजिंग करतो की, तो जे काही म्हणाला आहे ते सर्वांसमोर सांगू शकत नाही. त्यावेळी तो गोलंदाजावर दडपण आणण्याचा प्रयत्न करतो. गोलंदाजाचे मानसीक खच्चीकरण करण्याचा कोहलीचा त्यावेळी प्रयत्न असतो.”
कोहली हा मैदानात आक्रमक असल्याचे सर्वांनीच पाहिले आहे. एखादा फलंदाज बाद झाला की, कोहली असे काही सेलिब्रेशन करतो की त्या फलंदाजाला वाईट वाटू शकते. त्याचबरोबर कोहली मैदानात वाद घालताना किंवा शाब्दिक हल्ले करतानाही दिसतो.
हुसेन पुढे म्हणाला की, ” मी जगातल्या बऱ्याच महान फलंदाजांना गोलंदाजी केली आहे. मी ख्रिस गेल, रोहित शर्मासारख्या फलंदाजांना गोलंदाजी केली आहे. पण जेव्हा या खेळाडूंना धावा काढण्यात अपयश येते तेव्हा ते शांत असतात. पण कोोहली मात्र गोलंदाजाबरोबर स्लेजिंग करतो.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
