काही दिवसांपूर्वी सानियाचे या पुरस्कारासाठी नामांकन झाले होते. हा पुरस्कार चाहत्यांच्या मतांनी दिला जाणार होता. तब्बल १० हजारपेक्षा जास्त चाहत्यांनी सानियाला आपले मत दिले आणि तिने हा पुरस्कार पटकावला आहे.
फेड कप हार्ट पुरस्कारासाठी सानियाचे नामांकन झाले होते. १ मे पासून ऑनलाईनपद्धतीने नामांकित टेनिसपटूंना चाहत्यांनी आपले मत द्यायचे होते. त्यानुसार १० हजारपेक्षा जास्त मतं सानियाला मिळाली आणि सानियाने फेड कप हार्ट पुरस्कारावर आपले नाव कोरले. या मतदानातील तब्बल ६० टक्के मतं ही सानियाला मिळाली आणि त्यामुळेच तिला हा पुरस्कार मिळाला आहे. यापूर्वी भारताच्या एकाही खेळाडूला हा पुरस्कार पटकावता आलेला नव्हता. त्यामुळे भारतासाठी ही फार मोठी अभिमानाची बाब आहे. त्यामुळे सानियावर सध्या जगभरातून कौतुकाच वर्षाव होत आहे. सानियाने यावेळी आपल्याला मत देणाऱ्या चाहत्यांचेही आभार मानले आहेत. त्याचबरोबर हा पुरस्कार पटकावल्यावर सानियाने एक चांगली गोष्टही केली आहे.
सानिया पुरस्काराची रक्कम मदतनिधीला देणारफेड कप हार्ट पुरस्कार सानियाने पटकावला आहे. या पुरस्काराची जे रोख पारितोषिक असते ती रक्कन सानियाने करोना व्हायसरशी लढण्यासाठी मदतनिधी म्हणून देणार आहे. सानिया ही रक्कम तेलंगणाच्या मुख्यमंत्री सहाय्य निधीला देणार आहे.
या पुरस्कारावर नाव कोरल्यावर सानिया म्हणाली की, ” फेड कप हार्ट पुरस्कार पटकावणे हा माझ्यासाठी सन्मान आहे. हा पुरस्कार मी भारताला समर्पित करते. ज्या चाहत्यांनी मला मतं देऊन विजयी केले त्या सर्वांचे मी आभार मानते. सध्याच्या घडीला जगभरात करोना व्हायरसमुळे चांगले वातावरण नाही. भारतामध्येही करोना व्हायरसशी दोन हात आम्ही करत आहोत. मला हा पुरस्कार मिळाल्यावर जी रक्कम मिळेल ती मी तेलंगणा मुख्यमंत्री सहाय्य निधीला देणार आहे.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
