दोन वर्ल्ड जिंकणाऱ्या कर्णधाराने सुरू केला वाईन व्यवसाय

सिडनी: क्रिकेटमधून निवृत्त झाल्यानंतर खेळाडू समालोचक किंवा एखाद्या संघाचे प्रशिक्षक होतात. या दोन्ही भूमिका पार पाडल्यानंतर पुढे काय असा प्रश्न पडला असेल तर त्याचे उत्तर एका क्रिकेटपटूने दिले आहे. आयसीसीच्या वनडे वर्ल्ड कपचे दोन वेळा विजेतेपद मिळवणाऱ्या एका कर्णधाराने वाईनचा व्यवसाय सुरू केला आहे. इतक नव्हे तर या वाईनला स्वत:चे नाव दिले आहे.

वाचा-
ऑस्ट्रलियाला आयसीसीचे दोन वर्ल्ड कप जिंकून देणाऱ्या रिकी पॉन्टिंगने वाईनचा व्यवसाय सुरू केला आहे. खुद्द पॉन्टिंगने ही माहिती सोशल मीडियावरून दिली. ऑस्ट्रेलियातील बेन रिग्ज या कंपनीसोबत पॉन्टिंगने स्वत:च्या नावाची वाईन बाजारात आणली आहे. बेन रिग्ज सोबत काम करणे ही माझ्यासाठी सन्मानाची गोष्ट असून आम्ही उत्सुक असल्याचे त्याने म्हटले आहे.

वाचा-

वाचा-
पॉन्टिंगने आंतरराष्ट्रीय क्रिकेटमध्ये ७१ शतकांसह २७ हजार धावा केल्या आहेत. त्याने २०१२ साली क्रिकेटमधून निवृत्ती घेतली. त्यानंतर तो ऑस्ट्रेलिया संघासह आयपीएलमध्ये मुंबई इंडियन्स, दिल्ली कॅपिटल्स या संघाचे प्रशिक्षक म्हणून काम केले होते.

रिकी पॉन्टिंगने १६८ कसोटी सामन्यात ५१.८५च्या सरासरीने १३ हजार ३७८ धावा केल्या असून त्यात ४१ शतकांचा समावेश आहे. तर ३७५ वनडेत ४२.०३च्या सरासरीने १३ हजार ७०४ धावा केल्या आहेत. पॉन्टिंगने वनडेत ३० शतक केली आहेत. तर १७ टी-२० सामन्यात २ अर्धशतकांसह ४०१ धावा केल्या आहेत.