लॉकडाऊनच्या काळात सेलिब्रेटी चाहत्यांना काही सल्ले देत आहेत. सध्याच्या घडीला सर्वांचे आरोग्य महत्वाचे आहे. कारण करोना व्हायरसमुळे भारतामध्ये चिंतेचे वातावरण आहे. या करोना व्हायरसच्या काळात आपले आरोग्य कसे निरोगी राखता येईल, याबाबत कतरिना लाइव्ह चॅटमध्ये बोलत होती.
कतरिना आरोग्याबाबत आपल्या चाहत्यांशी बोलत असताना भारताच्या एका क्रिकेटपटूने त्यामध्ये थेट एंट्री घेतली. हे पाहून बऱ्याच जणांना धक्का बसला. कारण हा क्रिकेटपटू बऱ्याच जणांच्या लाइव्ह चॅटमध्ये घुसखोरी करत असल्याचे पाहायला मिळत होते. कतरिनाच्या लाइव्ह चॅटमध्ये आता हा क्रिकेटपटू काय करणार, याची उत्सुकता सर्वांना होती. कारण यापूर्वी काही लाइव्ह चॅटमध्ये या क्रिकेटपटूने चांगलाच धुडगूस घातला होता. त्यामुळे त्याच्यावर काही क्रिकेटपटू आणि चाहते नाराजही झाले होते.
कतरिना आपल्या चाहत्यांशी संवाद साधत असताना या क्रिकेटपटूने लाइव्ह चॅटमध्ये एक मेसेज केला. या मेसेजमध्ये या क्रिकेटपटूने ‘ हाय कतरिना मॅम’ अशी कमेंट केली होती. यापूर्वी झालेल्या एका कार्यक्रमात आपल्याला कतरिना कैफ आवडते, असे या खेळाडूने म्हटले होते. त्याचबरोबर काही दिवसांपूर्वी भारताचा कर्णधार विराट कोहलीची पत्नी अनुष्का शर्मा एक लाइव्ह चॅट करत होती, त्यामध्येही या क्रिकेटपटूने एक मेसेज पाठवला होता.
हा क्रिकेटपटू आहे तरी कोण…सेलिब्रेटींच्या लाइव्ह चॅटमध्ये एंट्री मारणारा हा क्रिकेटपटू आहे तरी कोण, असा प्रश्न आता तुम्हाला पडला असेल. तर हा क्रिकेटपटू आहे युजवेंद्र चहल. सध्याच्या लॉकडाऊनच्या काळात चहल हा बऱ्याचदा टीकेचा धनी ठरल्याचे पाहायला मिळाले आहे. त्यामुळेच क्रिकेटपटू आणि चाहते त्याच्यावर नाराज झालेले पाहायला मिळतात.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
