व्हिडिओ: …आणि इरफान पठाणला आला मिनी हार्ट अटॅक

नवी दिल्ली: मुलांना काहीही झाले तर दुख: सर्वात प्रथम आई-वडिलांना होते. त्यामुळेच प्रत्येक पालक मुलांची काळजी घेत असतात. असाच काहीसा अनुभव भारताचा माजी क्रिकेटपटू याला आला. इरफानने एक व्हिडिओ सोशल मीडियावर शेअर केला आहे. हा व्हिडिओ शेअर करताना त्याने मिनी हार्ट अटॅक असा शब्द वापरला आहे.

वाचा-
इरफान पठाणने इस्टाग्रामवर एक व्हिडिओ शेअर केला. हा व्हिडिओ जवळ जवळ एक लाख वेळा पाहिला गेला. व्हिडिओत इरफान पठाणचा मुलगा इम्रान सायकल चालवत आहे. इरफान त्याचा व्हिडिओ शुट करत आहे.

सायकल चालवत असताना काही अंतर गेल्यानंतर इम्रानला ती थांबवता येत नाही आणि तो सायकवरून पडतो. या घटनेचा व्हिडिओ इरफानने शेअर केला. प्रत्येक पालकासाठी मिनी हार्ट अटॅक, असे हा व्हिडिओ शेअर करताना इरफानने म्हटले आहे. हा व्हिडिओ सोशल मीडियावर व्हायरल होत आहे.

वाचा-

इरफानने ४ फेब्रुवारी २०१६ रोजी मॉडल सफा बेग सोबत विवाह केला होता. या दोघांना एक मुलगा असून इरफान सोशल मीडियावर नेहमी फोटो आणि व्हिडिओ शेअर करत असतो.

निवृत्ती मागे घेण्याची भारतीय क्रिकेटपटूची तयारी
लॉकडाऊनमुळे सर्व क्रिकेटपटू सोशल मीडियाच्या माध्यमातून संवाद साधत आहेत. काही दिवासांपूर्वी सुरेश रैनासोबत इंस्टाग्राम लाइव्ह चॅटवर बोलताना इरफान म्हणाला, संवाद फार म्हत्त्वाचा आहे. जर बीसीसीआयचे अधिकारी आले आणि त्यांनी तयारीसाठी एक वर्ष देणार असल्याचे सांगून संघात घेण्याची तयारी दाखवली तर मी भरपूर मेहनत घेईन. पण हे बोलणार कोण?

पठाणने या वर्षी जानेवारी महिन्यात १६ वर्ष क्रिकेट करिअरमधून निवृत्ती घेतली होती. जर निवड समितीने संघात घेण्याचे आश्वासन दिले आणि तयारीसाठी एक वर्षाचा कालावधी दिला तर मी पुन्हा खेळण्यास तयार असल्याचे पठाणने म्हटले होते.

इरफान पठणाने २००३ साली १९व्या वर्षी ऑस्ट्रेलियाविरुद्ध पदार्पण केले होते. पण गेल्या काही वर्षापासून त्याला संधी मिळाली नसल्यामुळे त्याने निवृत्ती घेतील. रैनासोबतच्या चॅटमध्ये इरफानने बीसीसीआयने खेळाडूंना परदेशातील लीग स्पर्धेत खेळण्याची परवानगी द्यावी, अशी मागणी देखील त्याने केली होती.