बर्मिंगहॅम : इंग्लंडमध्ये सुरू असलेल्या राष्ट्रकुल क्रीडा स्पर्धेच्या चौथ्या दिवसाच्या सुरूवातीलाच भारतासाठी आनंदाची बातमी आली आहे. लॉन बॉलमध्ये भारताच्या महिला संघाने अंतिम फेरीत धडक मारली आहे. सेमीफायनल स्पर्धेत भारताच्या महिलांनी न्यूझीलंडचा १६-१३ असा पराभव केला आणि देशाचे आणखी एकपदक निश्चित केले.
सेमीफायनलमध्ये एकवेळ अशी होती भारतीय संघ १-६ ने पिछाडीवर होता. पण त्यानंतर त्यांनी जोरदार कमबॅक केले आणि बाजी मारली. लॉन बॉल प्रकारात भारताचे राष्ट्रकुल स्पर्धेतील हे पहिलेच पदक आहे. आता भारतीय महिला संघ सुवर्ण पदक मिळवतात का याची उत्सुकता लागली आहे. अंतिम फेरीत भारताची लढत दक्षिण आफ्रिकेविरुद्ध होणार आहे.
वाचा- रोहित शर्मा आज ठरवूनच मैदानात उतरणार; पाकिस्तानचा महा’रेकॉर्ड’ धोक्यात
पदकतालिकेत भारताने ३ सुवर्ण, २ रौप्य आणि १ कांस्य पदकासह एकूण ६ पदक मिळवली आहेत. ऑस्ट्रेलिया २२ सुवर्णासह अव्वल स्थानावर आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
