आज कोहलीने एक व्हिडीओ बनवला आणि तो चांगलाच व्हायरल झाल्याचे पाहायला मिळाले. या व्हिडीओमध्ये कोहली अभिनय करत होता. त्याच्या अभिनयावर अनुष्काने अशी काही कमेंट केली की चाहत्यांनी हा व्हिडीओ व्हायरल केला आहे.
कोहलीने आज घरात अभिनय करायचे ठरवले. त्यानुसार कोहलीने अभिनय केला. कोहलीच्या या अभिनयाचा व्हिडीओ अनुष्काने सोशल मीडियावर शेअर केला आहे. या व्हिडीओखाली तिने कमेंट केली असून कोहलीला तिने चक्क डायनासोर म्हटल्याचे पुढे आले आहे. त्यामुळे चाहत्यांनी या व्हिडीओचा आनंद घेतला आणि त्यामुळे हा व्हिडीओ आता व्हायरल झाला आहे. कोहलीचा अभिनय तुम्हाला पाहायला असेल तर तुम्हाला हा व्हिडीओ पाहावाच लागेल…
आपल्या आक्रमक फलंदाजीच्या जोरावर विराटने आतापर्यंत बऱ्याच धावा केल्या आहेत. त्यामुळेच तो प्रत्येक संघाच्या रडारवर सर्वप्रथम असतो. पण विराट जेव्हा बचावात्मक खेळतो, तेव्हा त्याला जास्त धावा करता येत नाही, असे काही जणांना वाटते. पण जेव्हा तो बचावात्मक खेळत असत, तेव्हा तो एक गोष्ट करतो.
कोहली जेव्हा एखादा चेंडू निर्धाव खेळतो किंवा चेंडू सोडून देतो तेव्हा तो गोलंदाजाबरोबर स्लेजिंग करतो, असा धक्कादायक खुलासा एका गोलंदाजाने केला आहे. बांगलादेशचा गोलंदाज अल अमीन हुसेनने हा खुलासा केलेला आहे. अमीन म्हणाला की, ” जेव्हा कोहलीला एखाद्या चेंडूवर धाव काढता येत नाही, तेव्हा तो गोलंदाजाबरोबर स्लेजिंग करतो. कोहली अशी काही स्लेजिंग करतो की, तो जे काही म्हणाला आहे ते सर्वांसमोर सांगू शकत नाही. त्यावेळी तो गोलंदाजावर दडपण आणण्याचा प्रयत्न करतो. गोलंदाजाचे मानसीक खच्चीकरण करण्याचा कोहलीचा त्यावेळी प्रयत्न असतो.”
कोहली हा मैदानात आक्रमक असल्याचे सर्वांनीच पाहिले आहे. एखादा फलंदाज बाद झाला की, कोहली असे काही सेलिब्रेशन करतो की त्या फलंदाजाला वाईट वाटू शकते. त्याचबरोबर कोहली मैदानात वाद घालताना किंवा शाब्दिक हल्ले करतानाही दिसतो.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
