कोल्हापूर: करोना व्हायरसमुळे लागू करण्यात आलेल्या लॉकडाऊनमधून अनेक गोष्टी सुरू झाल्या आहेत. गेल्या दोन महिन्यापासून सर्व क्रीडा स्पर्धा स्थगित करण्यात आल्या होत्या. यामुळे खेळाडूंना सराव देखील करता आला नव्हता. आता राज्य सरकारने खेळाडूंना वैयक्तीक सराव करण्याची परवानगी दिली आहे. देशात आणि आंतरराष्ट्रीय स्तरावर स्पर्धा कधी सुरू होतील हे माहिती नाही. पण काही खेळाडूंनी करोनापासून बचावाचा मास्क लावून सरावाला सुरूवात केली.
वाचा-
नेमबाजीत आंतरराष्ट्रीय पातळीवर भारताचा तिरंगा फडकावणाऱ्या कोल्हापूरच्या राही सरनोबतने शुक्रवारपासून सरावाला सुरूवात केली. राहीने कोल्हापूरमधील रेसकोर्स येथील छत्रपती संभाजीराजे क्रीडा संकुलात २५ मीटर नेमबाजी सरावाला सुरूवात केली.
वाचा-
यावेळी राहीने करोना व्हायरसपासून बचावासाठीची आवश्यक अशी सर्व काळजी घेतली होती. सराव करताना राहीने मास्क घातला होता.
वाचा-
राहीने वर्ल्ड कप स्पर्धेत दोन सुवर्ण आणि एक कास्य, राष्ट्रकुल क्रीडा स्पर्धेत दोन सुवर्ण आणि एक रौप्य आणि आशियाशी स्पर्धेत एक सुवर्ण आणि एक कास्य पदक जिंकली आहेत. आशियाई क्रीडा स्पर्धेत नेमबाजीत सुवर्णपदक जिंकणारी ती पहिली भारतीय महिला नेमबाज आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
