लॉकडाऊनच्या काळात व्हिडीओ बनवण्यामध्ये वॉर्नर हा क्रिकेटपटूंमध्ये अग्रेसर असल्याचे पाहायला मिळाले. कारण वॉर्नर हा दररोज एक व्हिडीओ करत असल्याचे पाहायला मिळाले होते. सुरुवातीला वॉर्नर भारतातील प्रसिद्ध गाण्यांवर आपले व्हिडीओ करायचा. त्यानंतर त्याने बॉलीवूडमधील अक्षय कुमारच्या हाऊसफुल-४ या चित्रपटातील गाण्यावर डान्स केला होता. त्यानंतर आपले कपडेही त्याने एका झटक्यात बदलल्याचे पाहायला मिळाले होते. त्याचबरोबर एका व्हिडीओमध्ये तर वॉर्नर हा चक्क गायब झाल्याचेही पाहायला मिळाले आहे. आता तर या व्हिडीओमध्ये वॉर्नरचे दात तुटल्याचे पाहायला मिळाले आहे.
वॉर्नर नेमकं काय करत होता…आज वॉर्नरने एक नवं चॅलेंज स्वीकारल होतं. मक्याचं कणीस सर्वांनाच माहिती आहे. हे पूर्ण उकडलेले कणीस एका मशीनला लावलेले होते. ही मशीन सुरु झाल्यावर कणीस गोल गोल फिरते. हे गोल गोल फिरणारे कणीस खाण्याचा व्हिडीओ वॉर्नर बनवत होता. उकडलेले कणीस लावलेली मशिन वॉर्नरने एका हाताने पकडली आणि कणिस खाण्याचा त्याने प्रयत्न केला. पण हा प्रयत्न करत असताना मशिनमुळे कणिस जोरात गोल गोल फिरत होते. यावेळी वॉर्नरचा चक्क दात तुटल्याचे पाहायला मिळाले. वॉर्नरनेच ही गोष्ट आपल्या या व्हिडीओमध्ये दाखवली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
