भारताचा संग पाकिस्तानमध्ये २००६ साली गेला होता. या दौऱ्याच्या बऱ्याच आठवणी आहेत. या दौऱ्यातील मुल्तान कसोटी सामन्यात भारताचा धडाकेबाज सलामीवीर वीरेंद्र सेहवागने त्रिशतक झळकावले होते. सेहवाग आणि राहुल द्रविड यांनी ६०० धावांची सलामीही दिली होती. त्यावेळी भारताकडे दमदार फलंदाजीची फळी होती. पण या दौऱ्यात सचिन हा शोएबच्या बाऊन्सरवर डोळे बंद करून खेळायचा, असा खुलासा यावेळी एका पाकिस्तानच्या गोलंदाजाने केला आहे.
या दौऱ्यातील पहिल्या दोन सामन्यांमध्ये धावांचा पाऊस पाहायला मिळाला होता. या दौऱ्यातील तिसरा सामना कराची येथे खेळडवण्यात आला होता. या सामन्यावर या मालिकेचे भवितव्य टअवलंबून होते. तिसऱ्या सामन्यात पाकिस्तानने भारताला नमवले होते. या सामन्यात भारताला पहिल्या डावात २४० धावाही करता आल्या नव्हत्या. दुसऱ्या डावातही भारताला लौकिकाला साजेशी फलंदाजी करता आली नव्हती आणि त्यांना सामना गमवावा लागला होता. या सामन्यातील सचिनबाबतची एक आठवण पाकिस्तानचा वेगवान गोलंदाज मोहम्मद आसिफने यावेळी सांगितली आहे.
आसिफ म्हणाला की, ” तिसऱ्या कसोटी सामन्यात शोएब अख्तर हा आग ओकत होता. त्याचा गोलंदाजीचा सामना करणे सोपे नव्हते. भेदक मारा करत त्याने भारताच्या फलंदाजांना बॅकफूटवर ढकलले होते. त्यामुळे भारतीय फलंदाज थोडेसे संयमपणे खेळत होते. या सामन्यात शोएब एकदा गोलंदाजी करत असताना मी स्क्वेअर लेग पंचाच्या बाजूला उभा होतो. त्यावेळी शोएबने सचिनला बाऊन्सर टाकले होते. सचिनला शोएबच्या बाऊन्सरचा सामना करताना समस्या जाणवत होती. त्यावेळी शोएबच्या २-३ बाऊन्सरवर तर सचिनने चक्क डोळे बंद करून घेतले होते. शोएबच्या बाऊन्सरवर डोळे बंद करून सचिन यावेळी फलंदाजी करत असल्याचे मी पाहिले होते.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
