गोव्यात फिटनेस चाचणी
गोव्यात फिटनेस चाचणीत पास झाल्यास अर्जुनला गोव्याकडून खेळण्याची संधी मिळू शकते. अर्जुनसाठी (Arjun Tendulkar) हा निर्णय योग्य ठरेल का हेही पाहणं महत्त्वाचं ठरणार आहे. अर्जुन सचिनचा मुलगा असल्याने त्याच्यावर नावाचं दडपणही असेल. सर्वांनाच त्याच्याकडून चांगल्या कामगिरीची अपेक्षा असते, पण अशात तो केवळ सचिनचा मुलगा असल्याने त्याची निवड होत असल्याचंही दाखवता येणार नाही. पण मुंबईशिवाय अर्जुन गोव्यासाठी खेळला, तर त्याला आपला ठसा उमटवण्याची संधी मिळू शकेल.
मुंबई इडियन्स
रणजी ट्रॉफीशिवाय अर्जुन तेंडुलकर इंडियन प्रीमियर लीगमध्ये मुंबई इंडियन्सकडून खेळतो. पण मागील दोन सत्रांपासून तो डेब्यूसाठी वाट पाहत आहे. आता अर्जुन मुंबई इंडियन्स सोडणार का? त्याला गोव्यातून खेळता येणार का? हे पाहणं महत्त्वाचं ठरणार आहे. अर्जुनला सध्याच्या चॅम्पियन मुंबई इंडियन्सने चेन्नईमध्ये जाहीर झालेल्या IPL 2021 लिलावात त्यांच्या संघात विकत घेतलं होतं. त्यावेळी त्याला २० लाख रुपयांत घेण्यात आलं होतं. तो मुंबई इंडियन्ससोबत सरावही करत होता. हेही वाचा – उर्वशी रौतेलासोबतचा वाद सुरू असताना ऋषभ पंतला मिळाली मोठी जबाबदारी; म्हणाला, ही एक…
आयपीएल लिलाव
त्यानंतर पुन्हा मुंबई इंडियन्सने (Mumbai Indians) ३० लाख रुपयांत त्याला खरेदी केलं. दुसऱ्या लिलावावेळी अर्जुनसाठी दोन टीमने बोली लावली होती. मुंबईशिवाय गुजरात टायटन्सनेही (Cricket Team Gujarat Titans) अर्जुनसाठी बोली लावली होती. गुजरातकडून २५ लाखांसाठी बोली लावण्यात आली होती, पण मुंबईने ३० लाखांची बोली लावली. गुजरातने पुढे बोली न लावल्याने मुंबईने अर्जुनला खरेदी केलं. दोन्ही आयपीएलमध्ये (IPL) अर्जुनला खेळण्याची संधी मिळाली नव्हती.
करिअर
सचिन तेंडुलकरचा मुलगा अर्जुन तेंडुलकरचा जन्म २४ सप्टेंबर १९९९ मध्ये झाला. लहानपणापासूनच अर्जुनला क्रिकेट खेळताना पाहण्यात आलं आहे. अर्जुनने १५ जानेवारी २०२१ मध्ये मुंबईसाठी आपला पहिला टी-२० डेब्यू केला. अर्जुन वेगवान गोलंदाज असून तो फलंदाजीही करतो. आपल्या करिअरमध्ये अर्जुनने ३३ धावा केल्या आहेत. त्यानंतर अर्जुन आयपीएलचा भाग बनला. नुकतंच अर्जुनने ७३व्या पोलीस आमंत्रण शील्ड क्रिकेट टुर्नामेंटच्या एका मॅचमध्ये ३१ बॉलमध्ये ७७ धावा केल्या. यावेळी त्याने पाच चौकार आणि आठ षटकार मारले. त्याने आठपैकी पाच षटकार एकाच ओव्हरमध्ये केले. त्यावेळी ४१ धावात तीन विकेटही घेतल्या.
सचिन तेंडुलकरने काय म्हटलं?
आयपीएलवेळी सचिन तेंडुलकरने (Sachin Tendulkar) अर्जुनबाबत काही गोष्टी सांगितल्या होत्या. एका मुलाखतीवेळी सचिनने सांगितलं, की अर्जुनला खेळताना पाहू शकलो नाही, कारण अर्जुनने मोकळेपणाने खेळावं, त्याचे वडील त्याची मॅच पाहत आहेत, हा दबाव त्याच्यावर असू नये. क्रिकेट खेळताना त्याचा फोकस राहावा. काही वेळा त्याला न सांगता त्याच्या मॅच पाहण्यासाठी गेलो आहे, पण ज्यावेळी आई-वडील आपल्या मुलांना खेळताना पाहतात, त्यावेळी दबाव वाढू शकतो. त्याला खेळताना संपूर्ण मोकळेपणा मिळावा, त्यासाठीच मॅच पाहण्यासाठी जात नसल्याचं सचिनने सांगितलं होतं.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
