भाजपाचे नेता तजिंदर पाल सिंह यांनी वकारवर जोरदार टीका केली आहे. तजिंदर म्हणाले की, ” जसा तुम्ही १९७१ साली झालेला पराभव मान्य करत नाही, तशी ही गोष्टदेखील मान्य करू नका.”
वकारवर बऱ्याच जणांनी यावेळी टीका केली आहे. बहुतांशी जणांनी, तुम्ही तुमचे सोशल मीडियावरील खाते बंद केले, पण जो व्हिडीओ तुमच्या अकाऊंटवरून लाइक करण्यात आला आहे, त्याला अनलाइक तरी करा, असे वकारला सुनावले आहे. काही जणांनी, अशी चुका कधी कधी होतात, पण त्या मान्य करायला हव्यात, असेही म्हटले आहे.
नेमके घडले तरी काय…आपण एका पॉर्न व्हिडीओला लाईक केले आहे, हे वकारला एका व्यक्तीने कळवले. वकारने जेव्हा हा सारा प्रकार पाहिला तेव्हा त्याच्या पायाखालील जमिनंच सरकली. नेमके काय करावे, हे वकारला कळत नव्हते. त्यामुळे वकारने एक व्हिडीओ बनवला आणि घडलेला सर्व प्रकार सांगितला. वकार म्हणाला की, ” तुम्हाला जो काही त्रास झाला, त्याबद्दल मी तुम्हा सर्वांनी माफी मागतो. कारण ही पॉर्न क्लिप मी लाईक केलेली नाही. माझे सोशल मीडियावरील अकाऊंट कोणीतरी हॅक केले आणि त्यानंतर हा प्रताप केला आहे.. यापूर्वी २-३ वेळी माझे अकाऊंट हॅक झाले होते. पण तेव्हा मी ही गोष्ट गंभीरपणे घेतली नव्हती. मी कुटुंबामध्ये राहणारा व्यक्ती आहे. त्यामुळे मला आणि माझ्या कुटुंबियांनाही या गोष्टीचा त्रास झाला आहे. त्यामुळे आता सोशल मीडियावरील अकाऊंट बंद करण्याचा निर्णय मी घेत आहे. आज जो तुम्हाला माझ्यामुळे त्रास झाला आहे, त्यासाठी मी दिलगिरी व्यक्त करतो.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
