महेश बाबूचे माइंड ब्लॉक हे गाणे चांगलेच गाजले होते. या गाण्यावर आता वॉर्नर आणि त्याची पत्नी कँडीस यांनी डान्स केल्याचे पाहायला मिळत आहे. या गाण्यावर डान्स करण्यासाठी आपल्याचा चांगलाच घाम गाळावा लागला, तब्बल ५० वेळा मला या गाण्यावर डान्सचा सराव करावा लागला, असे वॉर्नरने सांगितले आहे.
क्रिकेटच्या कोणत्याही स्पर्धा सुरु नसल्या तरी वॉर्नर हा सध्याच्या घडीला भन्नाट फॉर्मात आहे. आपल्या धडाकेबाज फलंदाजीने त्याने बऱ्याच चाहत्यांची मने जिंकली आहे. गेले काही दिवस तो बॉलीवूडच्या गाण्यांवर व्हिडीओ बनवत असल्याचेही पाहायला मिळाले आहे. वॉर्नरने एक भन्नाट व्हिडीओ बनवला होता. या व्हिडीओमध्ये वॉर्नर ‘मिस्टर इंडिया’सारखा गायब झाल्याचे पाहायला मिळाले होते. या व्हिडीओमधून वॉर्नर गायब कसा झाला, हे कोडे चाहत्यांना अजूनही उलगडलेले नाही.
शुक्रवारी वॉर्नरने अक्षय कुमारचा सुपरहिट गाण्यावर भन्नाच डान्स केल्याचे समोर आले होते. वॉर्नरनेच हा व्हिडीओ सोशल मीडियावर पोस्ट केला आणि तो चांगलाच व्हायरल झाला होता. आज केलेल्या व्हिडीओमध्ये वॉर्नरने सुरुवातीला आयपीएलमध्ये खेळत असलेल्या सनरायझर्स हैदराबाद संघाची जर्सी परीधान केली होती. त्याच्या मुलीने एक ड्रेस परीधान केला होता. पण या व्हिडीओमध्ये तर या दोघांकडे ड्रेस बदलत असल्याचे पाहायला मिळत आहे. व्हिडीओच्या सुरुवातीला वॉर्नर हा सनरायझर्स हैदराबाद संघाची जर्सी घातलेला दिसतो, पण त्यानंतर वॉर्नर हा मुलीच्य ड्रेसमध्ये दिसत आहे. दुसरीकडे वॉर्नरच्या मुलीनेही सनरायझर्स हैदराबाद संघाची जर्सी घातल्याचे पाहायला मिळत आहे. हा बदल झाला तरी कसा, हे चाहते पाहत असून त्यांनी हा व्हिडीओही व्हायरल केला आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
