युवराज सिंगच्या अडचणी वाढणार? गुन्हा दाखल करण्याची मागणी!

हांसी: लाइव्ह चॅटमध्ये वापरल्यामुळे भारताचा माजी अष्ठपैलू खेळाडू युवराज सिंगने अडचणीत आला आहे. काल दिवसभर युवराज विरुद्ध सोशल मीडियावरील हॅशटॅग आंदोलन आता आणखी तीव्र होण्याची शक्यता आहे. यासंदर्भात युवराजवर कारवाई करण्याची मागणी होत आहे.

वाचा-
दलित समाजावर युवराजने केलेल्या वक्तव्यावर आता रजत कलसन यांनी हरियाणातील हांसी येथील पोलिस अधिक्षकांकडे तक्रार केली आहे. कलसन हे दलित अधिकाराचे कार्यकर्ते आहेत. त्यांनी अनुसुचित जाती व जमाती अत्याचार अधिनियमन नुसार युवराजवर गुन्हा दाखल करण्याची मागणी केली आहे.

वाचा-
दोन दिवसांपासून सोशल मीडियावर युवराज सिंगचा एक व्हिडिओ व्हायरल होत आहे. या व्हिडिओत लाइव्ह चॅटमध्ये रोहित शर्माशी बोलत आहेत. त्यात कुलदीप यादव आणि युजवेंद्र चहल यांच्या संदर्भात बोलताना गंमतीने एक कमेंट केली. युवराजने जातीवाचक शब्द वापरल्याने सोशल मीडियावर #युवराज_सिंह_माफी_मांगो हा हॅशटॅग ट्रेंडमध्ये आला होता.

आम्ही हांसीच्या पोलिस अधिक्षकांकडे तक्रार केली असून युवराज सिंगविरुद्ध गुन्हा दाखल करण्याची मागणी केली आहे. युवराज सिंगने केलेले वक्तव्य संपूर्ण देशातील लोकांनी पाहिले असल्याचे कलसन म्हणाले. यामुळे दलित समाजाची भावना दुखावली आहे, असे ते म्हणाले.

वाचा-
पोलिस अधिक्षक कार्यालयाने युवराज सिंग विरुद्धची तक्रार संबंधित शहर पोलिस ठाण्याकडे पुढील कारवाईसाठी पाठवली आहे. दरम्यान युवराज विरुद्ध गुन्हा दाखल केला नाही तर मोठे आंदोलन करू असा इशारा कलसन यांनी दिला आहे.

रोहितसोबत बोलताना युवराजने या दोन क्रिकेटपटूंबद्दल गंमतीने जातीवाचक शब्द वापरले. हा शब्द वाल्मिकी समाजाबद्दल होता. आता यावरून सोशल मीडीयावर युवराजने माफी मागावी अशी मागणी केली जात होती. चॅटमध्ये युवराज आणि रोहित दोघे फिरकीपटू चहलच्या टिकटॉक व्हिडिओवर बोलत होते.